పుట:ఆముక్తమాల్యద.pdf/90

⁠

సుమధురస్థూలదాడిమబీజములతోడ,                    దనుపారు రసదాడిగనెలతోడ,

⁠

తే.⁠

బానకం బతిథుల కిడ్డఁ, దానుఁ గ్రోలి యర్చనాదత్తచందనచర్చఁ దేలి, విరులు సిగఁ దాల్చి కర్పూరవీటిఁ జౌరు కొట్టుచు ద్విజుండు వెన్నెల బిట్టుగాయ.

⁠ 73

తే.⁠

మాత్రసంచి తలాడగా, మార్గవేది నొక్కఁ డార్యలు, గీత లొండొకఁడు, దా సు భాషితంబులుగాఁ, దోడి బ్రాహ్మణౌఘ ముబుసుపోకకుఁ జదువఁ బరున్నవేళ.

⁠ 74

రాజు భోగినికడకుం బోవుట

సీ.⁠

పన్నీటితోఁ గదంబము సేసి పూసిన                    మృగనాభివస రాచనగరు దెలుపఁ, బాటలానిలము లార్పఁగఁ దపారపుఁజుంగు                    లలరుఁదావికి మూఁగు నళులఁ జోఁప, గర్ణడోలామౌక్తికచ్ఛాయ లెగఁబ్రాఁకు                    మురుహారరుచులఁ ద్రన్తరికిఁ దన్న, శశికాంతి చెంగావి దశ మలంచిన కేల                    స్వర్ణత్సరువు వాఁడి వాలు మెఱయ,

⁠

తే.⁠

మెలఁత యడపముఁ దేఁ, జరన్మేరు వనఁగ, దలవరులు గొంద ఱొలసి ముంగలఁ జనంగ; నర్థి రథ్యాంతరాంతఃపురాంతరమున భోగినీసంగతికి రాజు వోవుచుండి.

⁠ 75

చ.⁠

వినియె, "నెలల్ చతుర్ద్వయిని వృష్టి దినాళికి, రాత్రికై దివం బున, జరకై వయస్సునను, బూని పరంబున కిప్పు డుద్యమం బనువుగఁ జేయఁగా వలయు" నంచు బురోహితధర్మ మాత్మ గీ ల్కొన నల విప్రుఁ డాద్విజులలోన సుభాషితమున్ బఠింపగన్.

⁠ 76