పుట:ఆముక్తమాల్యద.pdf/230

తే.⁠

అట్లు వైవాహికపుదీక్ష యమరఁ గమ్మ నూనెఁ దలయంటి నెఱులు గందానఁ బులుమ స్వర్ణమణికుంభహిమవారి జలక మాడి నట్టి జగదీశ్వరికి వేల్పుటబలయోర్తు.

⁠ 62

క.⁠

తడియొత్తి నన్నవలిపం బిడి మణిపీఠస్థయైన యింతి మెఱుఁగు పె న్నిడుదకురు లార్చి ధూపం బిడి తుఱుము ఘటించె నొకమృగేక్షణ నెమ్మిన్.

⁠ 63

సీ.⁠

యావకద్రవమున నరుణాంఘ్రి నఖపంక్తు                    లభ్యక్తములు సేసె నతివయోర్తు నయకల వ్రేళ్ళమట్టియలుఁ బిల్లాం డ్లిడి                    పాయపట్టముఁ బెట్టెఁ బై నొకర్తు నెఱికపట్టి పసిండి నీటివ్రాత చెఱంగు                    వెలిపట్టు రహిఁ గట్టె వెలఁదియోర్తు కటిసీమఁ గనకమేఖలఁ జేర్చి తారహా                    రములు గీలించెఁ గంఠమున నోర్తు

⁠

తే.⁠

కటకములు హస్తసరము లంగదము లంగు ళీయకములును బాహువల్లికల వ్రేళ్ళ నిలిపి తాటంకనాసామణుల నమర్చి చొనిపె సీమంతవీథిఁ జేర్చుక్క యోర్తు.

⁠ 64

క.⁠

కలికి తెలిగన్నుఁగవఁ గ జ్జలరేఖలు దీర్చి మేన సారంగమదం బలఁది లలామక మిడి చెం గలువలు క్రొవ్వెదకు వేఱొకర్తు ఘటించెన్.

⁠ 65

వ.⁠

ఇట్లలంకృతయై యుండ లగ్నం బాసన్నంబయ్యె నని విన్నవించుటయుఁ బన్నగ శయనుండు మార్తండమండలంబులు పండ్రెండును దివియలై వెలుంగఁ దారకలగుంపు జగజంపుగా శతపత్త్రశత్రుం డాతపత్త్రత యంగీకరింప, సింధువతి సౌగంధికదళోపహారసహితంబుగా విపణిఁ గలయంపిఁ జిలికింపఁ

⁠