పుట:ఆముక్తమాల్యద.pdf/190

చ.⁠

తనయుదరంబునం బొడమి తామ్రరుచిచ్ఛట లుల్లసిల్లఁ గో ల్కొను ధరణీజ సంతతికిఁ గోరకదంతము లించుకంత ని క్కినయది యాదిగాఁగఁ జెలగెన్ వనలక్ష్మి గడుం జెలంగఁగాఁ జనుఁ బ్రియుఁడైన మాధవుని సంగతి మీఁదటఁ జాలఁ గల్గుటన్.

⁠ 116

సీ.⁠

మును ననల్దమిఁ బట్టి ముంగాళ్ళ ముక్కుజో                    డనలఁ బీలిచి పసర్కొనిన విడిచి పరువంపువిరిగొందు లరసి చాలై త్రోవఁ                    బెట్టి యీరము లీఁగు పిండుఁ దగిలి క్రొవ్విరిఁ దొలుత నొక్కఁడు కని యది వ్రాలు                    తరి దాని నిలఁబడఁ దాఁకి క్రోలి యాకురాలుపుగండ్ల నానెడు నాస నిం                    తడుగూది బం కంటి యంగలార్చి

⁠

తే.⁠

యెట్టకేలకు నొకఁ డబ్బఁ బొట్టనిండఁ గ్రోలి యది గాలిఁ గదలినఁ గూలు నగుచు బ్రమదవనపాలికలు వేడ్కఁ బట్ట నగుచు మధుదినాది క్షుధాభ్రమ న్మధుపచయము.

⁠ 117

సీ.⁠

మరుదూఢమలయాహిగరధూమ్య లనుగళ                    న్మనసిజరథపదాంజనకళికలు త్రాస ధావ చ్చిశిరత్యక్తబాష్పముల్                    పికపంచమస్వరోద్భేద వీణ లబ్ధాగమన్మరందాసారజంబువుల్                    హింధోశసాక్షాన్ముకుందరోచు లభిసారికాంశుకోద్యన్నీలగుళికలు                    జాత్యనుల్లసనాత్తశాపతతులు

⁠

తే.⁠

చైత్రసంజీవనౌషధీజాతచేత నాత్మజనిహేతుతరుపునర్యాయి యువతి కరవిధూత హసంతికేంగాలచయము లళుల పంక్తులు వనఃల నఱ్ఱాడఁ దొడఁగె.

⁠ 118