పుట:ఆముక్తమాల్యద.pdf/185

⁠

మలమార్తండమరీచిదీపకళికోష్మం జూడి యే యుం దళ ర్దళపాథోరుహలోహనాళకుహరోద్యచ్చంచరీకాశ్మముల్.

⁠ 85

తే.⁠

పొంత ఘటయంత్రసరముఁ ద్రిప్పుచు జపించు మగువధృతి దూల మధ్యాహ్నమంత్రవాది, సురుచిరవితానదంభకౌసుంభధారి తుహినధారాగృహాంగి బిందువులు సెదర.

⁠ 86

ఉ.⁠

తామరసాప్తతామ్రముఖి దంష్ట్రితవిస్ఫుటమల్లి హల్లక స్తోమరజశ్చటాంగక మధుద్యుతితార, వియద్ద్రుచంక్రమో ద్దామ పితృప్రసూప్లవగి దైన్యరుతోత్థరథాంగపోత చిం తామయ నిద్రలం బొలసి తాపము సేయఁ దొడంగె నింతికిన్.

⁠ 87

వ.⁠

ఇత్తెఱంగున సకలకాలంబుల నారటంబునకు నూరటఁ గానకుండియు నప్పుండరీకాక్షి యందుండు నప్పుండరీకాక్షు నారాధనంబున నా రాధారమణుం గ్రమ్మఱఁ జెంద డెందంబునన్ దలంచి.

⁠ 88

సీ.⁠

పద్మాస్య ప్రతిదినప్రత్యూషమును మౌన                    నియతి మేల్కని, సఖీచయము మ్రోల హేమపాత్రిక హరిగ్రామలక్యాదిక                    స్నానీయవస్తువ్రజంబుఁ గొనుచు, ధౌతాంశుకంబులు తడియొత్తులును దేర?                    నంతఃపథంబున నరిగి, నిజగృ హారామదీర్ఘిక ననుసంహిత ద్రావి                    డామ్నాయయై స్నాన మాచరించి,

⁠

తే.⁠

పర్జనీలేశ పూర్ణసౌభాగ్యదాంగ ధూతి చకచక లీరెండతోడ మాఱు మలయ, నిడువెండ్రుకలగుంపు మలఁచివై చి వేగ వెడవెడ దడి యొత్తి, విధియుతముగ.

⁠ 89

ఉ.⁠

కుందరదాగ్ర నెన్నొసల గుమ్మడిగింజ తెఱంగు పాండు మృ ద్బిందువుఁ దీర్చి చెందిరము పేచకశీర్షముపైఁ బలె న్గటిం

⁠