పుట:ఆముక్తమాల్యద.pdf/182

సీ.⁠

అభినవకువలయశ్యామకోమలమైన                    డామూఁపు మకరకుండలముఁ దాల్చ, నిస్తులాస్యశ్రీవయఃస్తంభనిక్షిప్త                    నింబచ్ఛదభ్రూవు నిక్కసుంత, పరువంపుమంకెనవిరివంపు నరవంపు                    వాతెఱ చంద్రంపువాన గురియ, నడ్డంపుమెఱుఁగు వాలారు కన్గవచూడ్కి                    శ్రవణకుండలకాంతి సవతుగాఁగ,

⁠

తే.⁠

సప్తభువనాంగనానురంజనకు సప్త విధపరీవాహముగ గానసుధ వెలార్చు మాడ్కి వేణువుపై వ్రేళ్ళు మార్చి మార్చి మరులు కొలిపితె గోవింద మందసతుల.

⁠ 67

ఉ.⁠

అక్కట ఠాధ నీకుఁ దరవా మగవారల నత్తమామలం దక్కి ముకుంద వేణు కలనాదపు టీలకు లేటిమొత్తమై త్రెక్కొనుకాఁకమై నడికి రే లరుదెంచిన గోపికావళిన్ బొక్కఁగ జేసి తద్రుచిరభోగము గుత్తగ నీవ కైకొనన్.

⁠ 68

ఉ.⁠

అక్కమలాక్షుఁ డొక్కతె నిజాంసమునం దిడి కుంజపుంజపుం జక్కికిఁ గొంచుఁ బోవఁ బెఱ చానలినాత్మజవెంట వ్రేఁగుట న్మిక్కిలి డిగ్గు పాదసరణిం జని రోయుదు రట్టె! రోసి తా రక్కడఁ గాంచు టేమి! వలదా యభిమాన మొకింత యింతికిన్.

⁠ 69

చ.⁠

ఇలు గలనైన వెల్వడని యీలుపుటాండ్రకుఁ దాఁపికత్తెవై యులు కెకలించి శౌరి తమ యోగపు వాచవిఁ జూపి మీఁదఁ బె ల్లలము వియోగవహ్ని భవదంతరసైకతపంక్తిపొంత వం తలఁ బొరలించి తౌదు శమనస్వన వుగ్రమయూఖనందనీ!

⁠ 70

వ.⁠

అని యొంటిపాటునం దనలోనం బలుకు పలుకు లాలించి పొంచియున్న వయస్య లాస్యంబు లపహాస్యచంద్రికాతుందిలంబులుగాఁ దోఁచి 'భామ, యే మేమి? నీ మనం బెఱింగియే కదా మును మున్న యతనిమాటలు మానలే వంటి' మని మూదలించినం గించి దవనతాననయై నెమ్మొగంబు వెలవెల

⁠