పుట:ఆముక్తమాల్యద.pdf/141

క.⁠

చెందు నెఱసంజ కుంకుమ క్రందునఁ గెంపెక్కుదివికిఁ గాశ్మీరత రా, నిందుశిలాత్వము రవి గని యెం; దోయముఁ గురియ నేల యిటు గాకున్నన్?

⁠ 119

చ.⁠

అలజలరాశినీటఁ బగ లర్కకరావళి చూలు దాల్పఁగా, నెలమిన యీర్ష్య రాత్రి ధవళాంశుకరాళులు తాము దాల్ప, ద జ్జలముల నాన మూఁగికొనుచాడ్పున నాడి వహించెఁ జూలు మ బ్బుల నిల ముంచునీలఘనపుంజమువల్ల బలాకమాలికల్.

⁠ 120

క.⁠

ఉఱుము విని యలకకై దివి వెఱఁ బఱచుమరాళపటలి విడిచినఁ బడున క్కఱచిన బిసలవవిసరము తెఱఁగున వడగండ్లు ధవళదీధితి రాలెన్.

⁠ 121

క.⁠

తటిదుత్సారితఫణభృ త్పటలి నిరన్నంబు లయ్యఁ దక్కపు బర్హుల్ నటన; మతిహర్షహేతూ త్కటలాభం బిడునె మది క్షుభ న్నీర్వట్టున్?

⁠ 122

సీ.⁠

రవిఁ జూచి కుడుచువారలకును గృకలాస                    ములకును దృష్టి మిన్నులనె నిలిచె; సంధ్యార్ఘ్యదాయిద్విజశ్రేణి కిలు సేరు                    మొదవులకును భ్రాంతి మది జనించె; హలజీవినందోహములకు బలాకికా                    విసరంబులకు మంచి వెదలు దొరకె; నెలమిఁ బొల్పగుయూఠికలకు సంతలకూట                    ములకును మఱి విచ్చుమొగ్గ లొదవె;

⁠

తే.⁠

నతిథిసంఘంబునకు నీనినట్టియెనువ కదువులేఁగలగుమికి వాకట్టు లెసఁగె; మట్టిమిద్దెలవారికి మరువనులకు నెలఁతఁ బాసినవారికి నిదుర చెడియె.

⁠ 123