పుట:ఆంధ్రకామందకము (జక్కరాజు వేంకటకవి).pdf/55

పురోహిత గుణకథనము

ఆ.⁠

దండనీతియందుఁ ద్రయియందు మిగులంగ నూహ గలుగ వలెఁ బురోహితునకు నతఁ డథర్వవేదగతిచేత నెప్పుడు శాంతి పౌష్టికములు సలుపవలయు.

⁠ 86

గీ.⁠

మఱి పురోహితులందును మంత్రులందు శాస్త్రదృష్టియుఁ బనుల యెచ్చరికె లనఁగ గలుగు నీరెండు గుణములు దెలియవలయు నది యెఱుఁగువారితోఁగూడి యధిపవరుఁడు.

⁠ 87

సీ.⁠

స్వజనంబుచేఁ గులస్థానముల్ పనులందు           దృఢచిత్తుఁ డౌటయుఁ దెలియవలయు జ్ఞానసంపదయు దక్షతయును బ్రతిభయు           నల యలంకృతులందుఁ దెలియవలయు ధారణాశక్తి సత్యముఁ బ్రగల్భత కథా           యోగంబులను గనుఁగోఁగవలయు మైత్రి శౌచముభక్తి యీత్రితయము వ్యవ          హారంబులంబట్టి యరయవలయు

⁠

గీ.⁠

ధైర్య మనురాగయుక్తి కృత్యములయందు నిలుకడయుఁ గ్లేశముల కోర్వఁ గలుగుటయును గడు ప్రభావంబు నుత్సాహ గౌరవంబు నాపదలవేళ మంత్రియం దరయవలయు.

⁠ 88

సీ.⁠

సత్యంబు బలమును సద్వర్తనంబును           దెవులు లేకుండుట దెలియవలయు సహవాసులై నట్టి జనులచే మఱియును           శుభరూపుఁడగుటయ క్షుద్రుఁడగుట

⁠