పుట:ఆంధ్రకామందకము (జక్కరాజు వేంకటకవి).pdf/54

సీ.⁠

మఱియుఁ జెప్పినవెల్ల మఱవక చతురుఁడై             పనులయం దాసక్తిఁ బరగు, టెందు నౌఁగాము లెల్ల నూహాపోహ లొనరించి            యిది తప్పదని నిశ్చయించి కొనుట, నిశ్చయించినవెల్ల నెమ్మది మఱవక            చెలఁగి మంత్రంబు రక్షించి కొనుట, దేశకాలజ్ఞుఁడై తెలివితోడుతఁ గార్య           సిద్ధులఁ గ్రమ మొప్పఁ జెందుటయును

⁠

గీ.⁠

నృపతి మఱచినపని దానె యెచ్చరించి మంచి మార్గంబుచేతఁ గావించనేర్చు టాదిగాఁగల్గి యుండెడు నట్టి వెల్ల ప్రాజ్ఞులగువారు మంత్రి సంపద యటండ్రు॥

⁠ 83

సీ.⁠

కులశీలబలములు గలిగి స్వదేశస్థుఁ            డై నృపతికి వశుఁడైన వాఁడు కనుగల్గి కడుమాటకారియై ప్రోఢయై           యుత్సాహియై యుక్తి నొనరువాఁడు చపలత మ్రాన్పాటు జాఱఁజేసినవాఁడు          బడలికలకు నోర్చి పరగువాఁడు పావనత్వంబుఁ బ్రభావంబు శౌచంబు         నిలుకడ సత్యంబు గలుగువాఁడు

⁠

గీ.⁠

సత్త్వమును మైత్రి ధారణాశక్తిఁ గలిగి ప్రజ్ఞ యారోగ్యమును దృఢభక్తిఁగలిగి శిల్పము లెఱింగి వైరముల్ సేసికొనని వాఁ డమాత్యవరుండు గావలయుఁ బతికి.

⁠ 84

వ.⁠

మఱియును.

⁠ 85