పుట:ఆంధ్రకామందకము (జక్కరాజు వేంకటకవి).pdf/48

క.⁠

మానినుల భటులఁ బ్రేమను దానముచే బంధుమిత్రతతి బహుమానం బూనుటచే దాక్షిణ్యము చే నితరులఁ గైవసంబు సేయఁగ వలయున్.

⁠ 58

మహాత్ముల వర్తనము

సీ.⁠

ఒకరికాంతల నింద నొనరింపకుండుట           పెద్దలయెడ దయఁ బెట్టుటయును నిజధర్మముల నెల్ల నిచ్చఁ బాలించుట           యందఱియెడఁ బ్రియ మాడుటయును కలిమి యెంతగఁ గల్గి గర్వించకుండుట          యొరుల సంపదలకు నుడుకమియును బంధుజనంబులఁ బాయక యుండుట          తనవారితోడుత నెనసియుండు

⁠

గీ.⁠

టెనసి వారల మనసురా మనుచుటయును బరులఁ బరితాపములు బుట్టఁ బలుకకుండు టఖిలజనములు వినుతింప నలరుటయును వసుధ నివియె మహాత్ముల వర్తనములు.

⁠ 59

చ.⁠

చెలిమి దలిర్ప నింటి కెడసేయని చుట్టము వచ్చెనన్న ద వ్వుల కెదురేఁగి వేడుకఁ గవుంగిటఁ జేరిచి యాదరించి తాఁ గలిగినకొద్ది నిచ్చి యధికంబగు ప్రాణమునందు వంచనల్ గలుగక యోర్పు గల్గి యుపకారమె చూపుట సాధుకృత్యమౌ.

⁠ 60

ఉ.⁠

ఎల్లెడ ధర్మయుక్తులయి హెచ్చరికం దగ సంచరించు నా తొల్లిటివారిమార్గములు ద్రోయని మంచిగృహస్థులెల్ల వ ర్తిల్లెడు నట్టి మార్గమిది దీన మెలంగెడు నట్టివారికిన్ మొల్లము గాఁగఁ గల్గు నిహముం బరముం బరిపూర్ణకీర్తులున్.

⁠ 61