పుట:ఆంధ్రకామందకము (జక్కరాజు వేంకటకవి).pdf/188

క.⁠

భృగుసముఁడను యోగీశ్వరుఁ డగణితమతిశాలి షడ్గుణైశ్వర్యయుతుం డగు శుక్రుఁడుఁ బానముచేఁ దగి మదమున శిష్యవరుని దండిగఁ ద్రావెన్.

⁠ 124

క.⁠

కులమును బలమును వేదం బులు శాస్త్రంబులును శీలమును సంపదలుం గలవారై నను బానం బలవడుటనె చెడరె యాదవాంధకవృష్ణుల్.

⁠ 125

క.⁠

సిరిఁ దొలఁగఁజేయు వ్యసనము లరయంగా నేడుతెఱఁగులై యది యెపుడున్ ధర నిది యొక్కటియె నరుఁ జెఱచు న్మఱి యిన్నిగూడఁ జెఱచుట యరుదే.

⁠ 126

క.⁠

మగువల నెంతయుఁ దగిలినఁ దగురీతుల మద్యపానతత్పరుఁ డైనన్ దగు కొంత వేఁట జూదము మిగులం గీడౌట విడచి మెలఁగఁగవలయున్.

⁠ 127

చ.⁠

తలఁపఁగ మిక్కిలిన్ విషయతత్పరతన్ గలిగించు లెస్సగా నలవడువేదశాస్త్రముల నన్నిటి జారఁగఁజేయు సద్గుణం బులను మహత్త్వముం జెఱుచు బుద్ధియుఁ బెద్దధనంబు సంపదన్ జలనము నందఁజేయును వెసన్ వ్యసనంబులు దాఁట శక్యమే.

⁠ 128

క.⁠

వ్యసనములు గలుగు నరపతి వసుధం బసదొఱఁగు వైరివర్గముచేతన్ వ్యసనములులేని నరపతి యసదృశగతి మెలఁగి గెలుచు నరిసంఘములన్.

⁠ 129