పుట:ఆంధ్రకామందకము (జక్కరాజు వేంకటకవి).pdf/187

ఆ.⁠

లాదిగాఁగఁ గల్గునట్టి దోషము లెల్ల వెలఁదివలన నెపుడుఁ గలుగుచుండు నటులఁగాన నది మహాదోషయుక్తంబు విభుఁడు దీనిఁ దెలిసి విడువవలయు.

⁠ 119

క.⁠

చెలువల మోములె చూచుట కలవడి వేగిరముచెందు నల్పాత్ములకుం గల కోర్కులెల్ల జవ్వన ములతోడంగూడ నాశముం గనకున్నే.

⁠ 120

వ.⁠

పాపమునకు.

⁠ 121

సీ.⁠

తెలివి లేకుండుట పలుమాఱు బెగడులు            కక్కుటయును గోక కట్టిమియును గల్లలాడుట బందుగరిమ పోనాడుట            తలఁపు ప్రజ్ఞయు మతి తలఁగుటయును బనిలేనితఱి వెతఁబడుట నవ్వుటయును            ద్రాణబాధయును దంద్రయును గనుట సత్పురుషులతోడిసంగతి వదలుట            దుర్జనసంగతి దొరకుటయును

⁠

గీ.⁠

గడగడ వడంకుటయు జారిపడుట కడు న నర్థ మొందుట స్త్రీగోష్ఠి యధికమగుట యాదియగు దుర్గుణంబుల నందుచుండు మద్యపానంబుఁ దగిలిన మానవుండు.

⁠ 122

క.⁠

పానవ్యసనముఁ జెందిన మానవుఁ డెచ్చోటనైన మదమున మెలఁగున్ బానమదంబున నెచ్చో నైన బహిష్కార మొంది యధమతఁ జెందున్.

⁠ 123