పుట:ఆంధ్రకామందకము (జక్కరాజు వేంకటకవి).pdf/176

సీ.⁠

అడిగిన నీకున్న నాశచే వెతఁ జెందు             నాశావినిర్వేది యనెడి సైన్య మది యడిగిన దెల్ల నప్పు డొసంగిన             నది బలంబులఁ గూర్చి యని యొనర్చు దూష్యులతోఁ గూడ దూష్యయుక్త మటండ్రు             తద్దూష్యులగువారిఁ దలఁగ ననిచి యైన నాప్తులు శూరులగువారితోఁ గూర్చి             యనికిఁ బంచిననైన నని యొనర్చు

⁠

గీ.⁠

నధికమగునేర్పు లీరీతి నాత్మనెఱిఁగి తనకు విజయంబు చేకూడఁ దలఁచెనేని యిటుల బలముల వ్యసనంబు లెల్లమాన్పఁ బనికివచ్చును మగుడి భూపాలునకును.

⁠ 68

క.⁠

బలముల వ్యసనము లీగతి నలవునఁ దా మాన్పఁడేని యందగు పనులున్ గలుగఁగ నేరవు గావున బలముల వ్యసనములు మాన్చు పతి జయమందున్.

⁠ 69

వ.⁠

ఇంక మిత్రవ్యసనము.

⁠ 70

క.⁠

ఇల సప్తవ్యసనంబుల వలనం జనియించునట్టి వ్యసనంబులు వై రులచే నొచ్చుట దైవము వలనన్ జెడు టివ్వి మిత్రవ్యసనము లరయన్.

⁠ 71

క.⁠

మిత్రుఁడు వ్యసనము నందిన మిత్రుఁడు చేకూర్చుపనులు మిగులగఁ జెడుఁ ద న్మిత్రుని వ్యసనము మాన్చిన ధాత్రీపతి యెట్టివేళఁ దా జయమందున్.

⁠ 72