అని యుండుటచే నీ వెంకట్రాజు అహోబలస్వామి భక్తుఁడై యానృసింహదేవాలయము నుద్ధరింపఁ బ్రయత్నించినట్లు తెలియవచ్చుచున్నది. ఈ విషయమే రెట్టమతగ్రంథమునందును
| సీ. |
శ్రీమదహోబలస్వామిమహారాజ్య
రక్షకుం డగుచు నేరాజు వెలయు
నభిరామకామందకాఖ్యసత్కావ్యర
త్నమునకు నేరాజు నాథుఁ డయ్యె
నెరయూరిపురవరాధీశాది బహుబిరు
దాంకుఁడై యేరాజు యశము గాంచె
జానకీనాయకచరణసంసేవన
ప్రౌఢిచే నేరాజు ప్రబలు సిరుల
|
|
| గీ. |
నతఁడు కొండ్రాజు తిమ్మభూపతివరేణ్య
తనయ పెదతిమ్మరాజవతంస గర్బ
వార్ధిచంద్రుండు సత్కులవర్ధనుండు
సతతవిభవుండు వెంకటక్ష్మావిభుండు.
|
|
అని కలదు.
ఈ వెంకట్రాజు అహోబలము నుద్ధరించె ననుటకు అహోబలమహాద్వారమున శాసనప్రమాణ మున్నది.
| |
"శుభమస్తు. శ్లో. దేవశ్రేణీశిరోరత్నం దైత్యద్విపఘటాంకుశమ్।
జయతు శ్రీనృసింహస్య దేవదేవస్య శాసనమ్॥
స్వస్తిశ్రీ జయాభ్యుదయశాలివాహనశకవర్షంబులు 1506
అగు నేటి తారణ సం॥ వైశాఖశుద్ధ 14 శ్రీమద్రాజాధిరాజ రాజ
పరమేశ్వర శ్రీవీరప్రతాప శ్రీవీర శ్రీరంగరాయ దేవమహారాయలు
గారు పెనుగొండనగరమందు వజ్రసింహాసనారూఢులై పృథ్వీ
సాంమ్రాజ్యము చేయుచుండఁగాను శ్రీమద్వేదమార్గప్రతి
|
|
