పుట:ఆంధ్రకామందకము (జక్కరాజు వేంకటకవి).pdf/145

క.⁠

పూనినపనిఁ జేయవలెన్ బూనినపను లెల్లఁ దొడరి పూనఁగవలయున్ బూని యొనరించునాపని దా ననువుగ విరివికొనఁగఁదగు నాయమునన్.

⁠ 38

క.⁠

ప్రారంభింపక యుండుట పూరుషునకుఁ బ్రథమబుద్ధి పూనికతోడం బ్రారంభించినపని యీ డేరుచుట ద్వితీయబుద్ది యీధరలోనన్.

⁠ 39

క.⁠

సారెకు బహుమంత్రులతో భూరమణుఁడు కార్యమార్గములు దలఁపఁదగున్ వారలకును సమ్మతమగు సారపుఁగార్యంబుఁ బూనఁ జను నేర్పొనరన్.

⁠ 40

గీ.⁠

ఎందు సజ్జనులగువారు నింద సేయ రెందుఁ దనమది సందేహ మందకుండు నెందు మంత్రులు సమ్మతిఁ జెంది యుంద్రు తలఁప నటువంటిపనిఁ బూనవలయు విభుఁడు.

⁠ 41

క.⁠

మంత్రులచే నిశ్చితమగు మంత్రముఁ జింతింపవలయు మదిఁ బలుమారున్ మంత్రజ్ఞుఁ డగుచుఁ బతిఁ దన మంత్రముచేఁ దనదుపనులు మఱి చెడకుండన్.

⁠ 42

క.⁠

వారలు మొగియక యుండన్ దా రొనరింపుదురు మంత్రితతి దడవడరన్ బోరులు మొగియక యుండన సారపుభోగములు దమకు సమకొనుకతనన్.

⁠ 43