34
అహల్యాసంక్రందనము
వ. ఇట్లు నిర్మించిన.12
ఉ. అంబుజగంధి చక్కఁదన మల్లనఁ గన్గొని విస్మితాత్ముఁడై
యంబుజనేత్రుఁ డప్పుడు త్రియంబకభావముఁ గోరె నాతఁ డ
ష్టాంబకలీలఁ గోరె మది నాతఁడు గోరె సహస్రలోచన
త్వంబు నతం డనంతనయనత్వముఁ గోరె మఱేమి చెప్పఁగన్.13
చ. వనితను గాంచి రంభ తల వంచెఁ, దిలోత్తమ మోము నల్లచే
సెను, శశిరేఖ లోఁగమలెఁ, జేష్టలుదక్కెను జిత్ర రేఖ, కాఁ
కనొగిలె హేమ, మైమఱపు గాంచె మదాలస, తగ్గుఁ జెందె వా
మన, కరఁగెన్ ఘృతాచి, యవిమానత మేనక గాంచె నెంతయున్.14
సీ. రాజయోగారంభరతులైన యతులైన
వదనంబుఁ గని పారవశ్య మొంద
వరకుండలీంద్రభావనులైన మునులైనఁ
జికురపాశముఁ గాంచి శిరము లూపఁ
బద్మసనాభ్యాసపటులైన వటులైన
బదకాంతిఁ గన్గొని ప్రస్తుతింప
నిర్గుణపరతత్వనిధులైన బుధులైన
నవలగ్నలతఁ గాంచి యాసఁ జెంద
తే. వినుతసకలాగమాంతవాసనలు గన్న
ధన్యులైనను నెమ్మేనితావిఁ గోర
నలిససంభవుకడ నిల్చె నయనవిజిత
ముగ్ధసారంగి యాజగన్మోహనాంగి.15
ఉ. బాలకురంగనేత్రి నునుఁబల్కులకున్ విరివింటివానిబా
బాలకువాదు పెన్ దొడల బంగరురంగుమెఱుంగు లంటికం
బాలకు రాదు నెమ్మొగము బా గలపున్నమచందమామ దం
బాలకుమీఁదు దానిసరిబాలిక లేదు జగత్త్రయంబునన్.16
