ప్రధమాశ్వాసము
25
సీ. అపుడు విభాండకుం డాగ్రహంబున లేచి
బలిమిచేఁ దన కమండలువుఁ గొట్టె
చెయిమించి మాండకర్ణియుఁ జేతిదండంబు
పెళ పెళాలనఁ ద్రొక్కి విఱిచివైచె
పొటుకునఁ బర్వతజటిలుండు జడచుట్ట
విదళించి యట త్రెంచి విసరివైచె
కండుమహాముని కడుఁగోపగించుక
పడుపాటుగాఁ గక్షపాల చించె
తే. కండ్ల నెఱచేసి పటపటఁ బండ్లు కొఱికి
గోచు లెగఁగట్టి జందెముల్ కుఱుచబట్టి
అట్టహాసంబు లొనరించి యౌడుఁగఱచి
మునులు గుంపులు గూడుక మొనసి రంత.109
సీ. ‘తారతమ్య మెఱుంగలే రింద’ ఱని లేచె
గాధేయుఁ డంత లోకములు బెదర
‘నీవేమి తెలిసి వర్ణించితో మేనక’
నని యాతని విభాండుఁ డదిమెఁ గేల
‘హరిణితోఁ దిరిగిన యడవిమెకంబ వీ'
వని కండు వతనిమే నప్పళించె
‘గండువుకేకాని కాదు ప్రమ్లోచ'యం
చతని వెన్ దట్టె మహర్షి యొక్కఁ
తే. డదియె పెదపెదమాటలై యలుకవొడమి
జడలు వీడఁగ వల్కలాచ్ఛాదనములు
జార దండకమండలుల్ పాఱవైచి
గజిబిజిగఁ బోరుచుండ నాఖండలుండు.110
ఉ. "అచ్చరమచ్చెకంటులకునై కడుహెచ్చిన మచ్చరంబుతో
విచ్చలుగాను మెచ్చగువివేకము లెల్లను వెచ్చపెట్టి వి