పుట:అనుభవసారము (పాల్కుఱికి సోమనాథుడు).PDF/8

అనుభవసారము

15

⁠

గురుభక్తిపూర్వకంబుగ విరచింతు మదీయభక్తి వినుతింపంగన్.

⁠ 26

చ.⁠

గురు నుతియింతు సంతతము ఘోరభవాంబుధితారణార్థి నై హరుఁ బ్రణుతింతు లింగమథనార్థసముద్భవచిత్సుఖార్థి నై శరణులఁ గీర్తి సేయుదుఁ బ్రసన్నకటాక్షనిరీక్షణార్థి నై యిరవుగ నొండుభంగి నుతియింపమి నాకు నిజవ్రతంబుగన్.

⁠ 27

క.⁠

మదనారిభక్తమండలి నుదరార్థము పొగడువాని యుక్తిఁ దలంపన్ సదమలరత్నవితానముఁ బదడున్ సరిఁ బోల్చునట్టిపగిదియె కాదే.

⁠ 28

క.⁠

కావున భక్తానందము వావిరి నీప్సితము గాఁగ వర్ణింతు లస ద్భావనఁ గృతి సత్కావ్యక ళావేదులు వొగడఁ గావ్యలసనము నెగడన్.

⁠ 29

క.⁠

అనుభవసారం బనఁగా మనసిజహరుశుద్ధభక్తిమార్గము వేదో క్తనిరూఢిఁ బురాణరహ స్యనియుక్తిని [1]విస్తరింతు నది యెట్లనినన్.

⁠ 30

క.⁠

వారక వేదపురాణ ప్రారంభార్థముల నెల్లఁ [2]ద్రచ్చఁగ 'హంస క్షీరమివాంభసి' యనుగతి సారమె కొని తెలుపువాఁడ సద్గురుకరుణన్.

⁠ 31

1. విన్నవింతు
2. ద్రవ్వక