పుట:అనుభవసారము (పాల్కుఱికి సోమనాథుడు).PDF/35

42

అనుభవసారము

⁠

భర్గనివేదితపుష్పని రర్గళఫలరాశిలోని యల్పమె చాలున్.

⁠ 160

క.⁠

ఫలమునకుఁ గొల్చువారికి ఫల ముపభోగాంత మనఁగ ఫలవిరహితు లై కొలిచినవారికిఁ దథ్యము సలలితనిశ్రేయసుఖము శంభుం డొసఁగున్.

⁠ 161

క.⁠

మోక్షార్థులకుం జక్కన మోక్షముతెరు వితరసుఖసమోహార్థులకున్ వీక్షింప మఱొకతెరు వగుఁ ద్ర్యక్షార్చనఫలము ముక్తి [1]దప్ప దదెట్లున్.

⁠ 162

క.⁠

కాన యఖిలాల్పభోగవి తానము లగుచిక్కులందుఁ దగులక సద్భ క్తానీక మర్థిఁ గొలుచుట మానితమోక్షార్థవిమలమతిఁ ద్రిపురారీ!

⁠ 163

సీ.⁠

సద్గురుకరుణాలసత్పట్టభద్రుఁ డ           స్థిరరాజ్యవైభవస్థితికిఁ జనునె నిత్యప్రసాదవినిర్మలామృతభోగి           స్వర్గోపభోగానుషక్తుఁ డగునె విస్ఫారభక్తిసంవిత్సుఖార్ణవమగ్నుఁ           డితరసుఖశ్రేణి కిచ్చగిలునె ప్రథితలింగప్రాణమథనజీవన్ముక్తుఁ           డంగావసానమోక్షార్థి యగునె

⁠

1. దప్పదు యెట్లున్.