పుట:అనుభవసారము (పాల్కుఱికి సోమనాథుడు).PDF/12

అనుభవసారము

19

క.⁠

గురులింగైక్యవిభేదము గురులింగాశ్రవణమతియు గురువంచనమున్ గురు [1]తత్త్వద్వైతంబును గురుపాతక మండ్రు బుధులు గురుభక్తినిధీ!

⁠ 44

క.⁠

గురుమంత్రాధః[2]కృతియును గురునాజ్ఞోల్లంఘనంబు గురువిముఖతయున్ గురురంధ్రాన్వేషణమును గురుపాతక మండ్రు బుధులు గురుభక్తినిధీ!

⁠ 45

క.⁠

గురుసద్గుణవంచనమును గురువంశామాన్యతయును గురువిస్మృతియున్ గురుదుర్గుణప్రకటనమును గురుపాతక మండ్రు బుధులు గురుభక్తినిధీ!

⁠ 46

క.⁠

గురుసన్నిధి గర్వించుట గురుసన్నిధిఁ దన్నుఁ దాన కొనియాడుటయున్ గురుసన్నిధి శంకింపమి గురుపాతక మండ్రు బుధులు గురుభక్తినిధీ!

⁠ 47

క.⁠

గురువాక్యోదాసీనత గురుపాదధ్యానవిరతి గురు[3]హుంకృతియున్ గురుమార్గాతిక్రమమును గురుపాతక మండ్రు బుధులు గురుభక్తినిధీ!

⁠ 48

క.⁠

గురుని సపంక్తిని గుడుచుట గురుని [4]సమాసనమునందుఁ గూర్చుండుటయున్

⁠

1. తత్త్వా
2. కృతమును
3. హంకృతి
4. సమానంబునందు