పుట:అనిరుద్ధచరిత్రము.pdf/45

శా.⁠

ప్రాతఃకాలమహాబలాఢ్యుఁడు నిశాప్రత్యర్థివీరుం బరా భూతుం జేసి సమస్తదిగ్విజయుఁడై పూర్ణీభవత్ప్రభవ ఖ్యాతిం గైకొనియున్నవేళ జయతూర్యంబు ల్చెలంగించిన ట్లాతర్వాతఁ జెలంగెఁ గుక్కుటసముద్యత్కంఠనాదార్భటుల్.

⁠ 86

వ.⁠

మఱియు నాసమయంబునం బ్రణయకలహవ్యాపారంబులం బరాఙ్ముఖులై మౌనము ద్రలు వహించి పరస్పరతనుస్పర్శనంబులు గాకయుండ నేకశయ్యం బవళించియుండి యు మకరధ్వజుండు మండలీకృతకోదండుండై ప్రయోగించు కుసుమకాండంబు లం బొడము హృదయవ్యధలం బొరలుచుండియు నాభిమానికంబులం దెచ్చుకోలు ధైర్యంబుల నుండియు సూచితాహర్ముఖంబులైన తామ్రచూడకంఠనినాదంబులు కర్ణ కఠోరంబులై వినఁబడిన నులికిపడి దిగులొందుచుఁ జలంబులు విడిచి మనంబులు గరంగి కుహనానిద్రావసానపరివర్తితాభిముఖశరీరులై యొండొరులం గౌఁగిలించుకొని తమ కపుఁగూటములం దమకు పునారతులకు నవకాశంబు లేనిప్రొద్దు విచారించి యొకరి నొకరి దూఱిపలుకుచు నిట్టూర్పు నిగుడించి దంపతులవలనను నరవిందబృందంబులతోడ వికసితంబులగు హృదయారవిందంబులం దమకు నామనియైన యవ్వేళ చుంబనపరిరం భణనఖదంశక్షతాదివినోదంబులం బంకజాసనార్థపంకజాసనరతిబంధసౌఖ్యంబు లం జొక్కు పద్మినీపాంచాలురవలనను శారికాకీరమయూరకలకంఠకలరవకపోత కలహంసప్రముఖంబులైన విహంగమనివహంబుల కలకలంబుల మనోహరంబులై వెల యు లవంగక్రముకచాంపేయపున్నాగనారికేళచందనమందారకదంబఖర్జూరాది మహీరుహంబులం బ్రశస్తంబులగు నుద్యానవనంబులవలనను దేవభూపాలమందిరంబు లయందు భగవత్కీర్తనంబులు సేయు వైణవికమార్దంగికాదిగాయకనికరంబులజంత్ర గాత్రంబుల సుదీర్ఘంబులగు భూపాలదేవగాంధారిమలహరిదేశాక్షివసంతమంగ ళకౌశికప్రముఖస్త్రీపురుషరాగస్వరగ్రామంబుల నభిరామంబులై ధ్రువరూపకాది తాళంబుల హేరాళంబులగు సంగీతనాదంబులవలనను స్నానసంధ్యావందనాద్యను స్థానంబుల నిష్ఠాగరిష్ఠులగు బ్రాహ్మణసమూహసంకీర్ణంబులైన జలాశయస్థానంబులవ లనను గోపాలకులు నిజనామాంకంబు లంకించి పిలుచుచుఁ గ్రేపుల విడుచు సన్నా హంబుల నంభానినాదంబులు సేయుచు హుంకారంబులతోడ వదనంబు లెత్తి కర్ణంబు లు నిక్కించి తమతమవత్సంబుల కెదురుసూచు ధేనువితానంబులవలనను దీర్ఘికాతరం గడోలాజాలంబుల నీఁదులాడుచు నినాదంబు లొనరించు మరాళబలాకచక్రవాక జలకుక్కుటాదిపక్షికదంబంబులవలనను వర్ణనీయవైభవసమేతంబై ప్రభాంతంబు వర్తించె నంత.

⁠ 87

గీ.⁠

గగనవీథిని వాహ్యాళిఁ గదలు పద్మ, బాంధవప్రభుముందరఁ బట్టు సూర్య పుటము గొడుగులపడగలప్రో వనంగ, నమరెఁ గెంజాయ ప్రథమదిగంతరమున.

⁠ 88