పుట:అనిరుద్ధచరిత్రము.pdf/24

⁠

జృంభితంబును, వివిధవిచిత్రవాతాయనరేఖామనోహరంబును, గనకపంజరాంతరనివాసశు కశారికానికరసరససంగీతసాహిత్యవిద్యాప్రసంగసంగతంబును, దాంబూలచందనప్రసూ నదానాద్యుపచారప్రయోజనప్రవీణచైతన్యసూత్రవిచిత్రకాంచనపాంచాలికాలంకృతం బును, గంధకర్పూరకస్తూరికాప్రముఖపరిమళవస్తుసంతానవాసనాఘుముఘుమాయమా నంబును, నిబిడతమఃపటలపరిహరణచణమణిగణదీపికావిరాజితంబును, నగు నిజమంది రంబునందుఁ దరవణుల దివిచిన వజ్రంబుకోళ్లును, గోళ్లయం దమరించిన హరినీలంబులపట్టి యలును, బట్టియల నలవరించి యల్లిన పట్టుపట్టెడయును, బట్టెడపయిం బఱచిన హంస తూలికాతల్పంబును, దల్పంబుపై శిరశ్చరణపార్శ్వదేశంబులకు నుపధానంబులుగా నుం చిన సూర్యపుటంబుదిండులును, నుపరిభాగంబున నలంకరించిన చిత్రచిత్రాభిరామంబగు చందువాపటంబునుం గలిగి మనోహరంబై వెలయు శయ్యాతలంబున శయనించి.

⁠ 61

చ.⁠

అలక లొకింత జాఱి నిటలాంతముఁ గ్రమ్మఁగఁ దానియూరుపున్ జలువలు చల్లఁగా మెయి నలందినగందము సన్నవల్పెదు వ్వలువముసుంగుపై నిగిడి వాసన లీనగ లోచనాంబుజం బులు ముకుళించి యమ్మగువ ముద్దువగన్ నిదురించుచుండఁగన్.

⁠ 62

మ.⁠

కలలో నొక్కత్రిలోకసుందరశుభాకారుండు మాణిక్యకుం డలశోభాంచితమందహాసరసవత్సుస్నిగ్ధగల్లద్వయీ లలితాస్యుండు సుగంధబంధురసుమాలంకారనీలోపలో జ్జ్వలధమ్మిల్లుఁడు కామినీహృదయపాంచాలుండు లీలాగతిన్.

⁠ 63

సీ.⁠

తాంబూలరసరంజితంబైన కెమ్మోవి యానుచో మొనపంట నూనియూని కుంకుమాంకితకుచకుంభముల్ గ్రహణంబు సేయుచో నఖపంక్తిఁ జెనకిచెనకి మకరికాకలితకోమలగల్లములముఖం బునుచుచోఁ జుంబనం బొసఁగియొసఁగి లలితభూషణచయాలంకృతాంగము నెద నలముచో మర్మంబు లంటియంటి కుసుమసాయకశాస్త్రానుగుణవిచిత్ర, బంధనైపుణి సురతప్రపంచసౌఖ్య లీలఁ దనుఁ జొక్కఁజేసి లాలించె ననుచుఁ, గలికి కలఁ గాంచె నాశ్చర్యకరము గాఁగ.

⁠ 64

క.⁠

ఈలీలం గలలోపల, నాలోకింపంగఁ బడినయతఁ డనిరుద్ధుం డాలావణ్యనిధి న్మును, హేలావతి వినియుఁ గనియుఁ నెఱుఁగదు మదిలోన్.

⁠ 65

వ.⁠

ఇత్తెఱంగున నక్కురంగనయన స్వాప్నికసంభోగసంజనితానందపారవశ్యంబును, నిద్రా పరవశత్వంబును నేకీభవింప సుఖశయనంబు గావించి కించిదవశిష్టయామినీచతుర్థయా మసమయంబున శతపత్రంబులతోన నేత్రంబులు వికసింప నమ్మనోహ రాంగుండు తనకౌఁ గిటనున్నవాఁడ కాఁ దలంచుచు మేలుకాంచి పొడగానక గుండియ జల్లుమన దిగ్గన లేచి శయ్యాతలంబునం గూర్చుండి నిద్రాముద్రాయమానంబులగు విలోచనప్రభాజాలంబులు లోలంబులై కొలుకుల నలంకరింప నలువంకలం గలయఁ బునఃపునరవలోకనంబు సేయుచు

⁠