నవవికస్వర దివ్య సౌందర్య మూర్తి
నవవికస్వర దివ్య సౌందర్య మూర్తి
విశ్వసుందరి పరమ పవిత్రమూర్తి
ఉదయలక్ష్మి యవతరించె; నెదురు వోయి
స్వాగతం బిమ్ము గీతికా ప్రసవ మొసగి!
అవిరళ స్వేచ్ఛ వెన్కముం దరయ బోక
వారిదమ్ములు చిత్ర కాశ్మీర రుచుల
బూని విహరించు పశ్చిమ భూధరమున;
రజని రా నున్న దంచు తెల్పంగ రాదె?
శ్యామ లాంబర పరిణాహ సరసిలోన
ప్రణయ లీలా విహర విలాసిను లగు
తారకల గాంచుమా! నీ హృదయము నందు
భావ నక్షత్ర కాంతులు పర్వు నేమొ!