తాళ్ళపాక పదసాహిత్యం/మొదటి సంపుటం/రేకు 36
రేకు: 0036-01 పాడి సం: 01-220 వైరాగ్య చింత
పల్లవి: ఏడ వలపేడ మచ్చిక ఏడ సుద్దులు
ఆడుకొన్న మాటలెల్లా నవి నిజాలా
చ.1: తొలుకారు మెఱుపులు తోచి పోవుఁగాక
నెలకొని మింట నవి నిలిచీనా
పాలఁతుల వలపులు పొలసిపోవుఁగాక
కలకాలం బవి కడతేరినా
చ.2: యెండమావులు చూడ నేరులై పారుఁగాక
అండకుఁబోవ దాహ మణఁగీనా
నిండినట్టి మోహము నెలఁతల మదిఁ జూడ
వుండినట్టేవుండుఁగాక వూఁతయ్యినా
చ.3: కలలోనిసిరులెల్ల కనుకూర్కులేకాక
మెలఁకువఁ జూడ నవి మెరసీనా
అలివేణులమేలు ఆసపాటేకాక
తలఁపు వేంకటపతిఁ దగిలీనా
రేకు: 0036-02 ఆహిరి సం: 01-221 అధ్యాత్మ
పల్లవి:ఏమి సేయఁగవచ్చు నీశ్వరాధీనంబు
తామసపుబుద్ధి కంతలు దూరవలసె
చ.1:తెగి దురాపేక్షఁబడ తివియ గతిలేదుగన
పగగొన్న వగలకూపములఁ బడవలసె
తగుమోహసలిలంబు దాఁట మతి లేదుగన
మగుడఁబడి భవముతో మల్లాడవలసె
చ.2:పాపకర్మములఁ జంపంగ శక్తిలేదుగన
కోపబుద్ధులచేత కొరమాలవలసె
రూపములఁ బొడగాంచి రోయఁదరిలేదుగన
తాపములచేఁ బొరలి తగులుగావలసె
చ.3:తిరువేంకటాచలాధిపుఁగొాలువలేదుగన
గరిమెచెడి విషయకింకరుఁడు గావలసె
పరతత్వమూర్తిఁ దలఁపఁగఁ బ్రొద్దులేదుగన
దొరతనం బుడిగి యాతురుఁడు గావలసె
రేకు: 0036-03 వరాళి సం: 01-222 వైరాగ్య చింత
పల్లవి: తనవారని యాస దగిలి భ్రమయనేల
తనువు బ్రాణునికంటె తగులేది
చ. 1: తనువుఁ బ్రాణుడు రెండు తగిలి గర్భమునందు
వొనర నేకమై యుదయించి
దినములు చెల్లిన తివిరి యాప్రాణుఁడు
తనువువిడిచిపోయ దయలేక
చ. 2: ప్రాణికై దేహము పాపపుణ్యముసేయు
ప్రాణి వెంటనె బొంది పాశుండదు
ప్రాణి యచ్చటనైన బాధలఁ బడకుండ
ప్రాణి రక్షించు బొందిబడి దాఁ బోయనా
చ. 3: యెరవుల దేహలివి నిజమని నమ్మి
యెరిఁగీనెఱుఁగలే రిది యాలా
అరయఁ బరమునకు నాది పురుషుఁడై
పరగుశ్రీ వేంకటపతి గలిగుండఁగా
| పల్లవి : | సకల భూతదయ చాఁలఁగ గలుగుట | |
| చ. 1: | తలకొన్నఫలవాంఛఁ దగులకుండఁగఁ జిత్త- | |
| చ. 2: | యెప్పుడుఁ దిరివేంకటేశు సేవకుఁడౌట | |
రేకు: 0036-05 వరాళి సం: 01-224 అధ్యాత్మ
పల్లవి:అన్నలంటాఁ దమ్ములంటా ఆండ్లంటా బిడ్డలంటా
వన్నెల నప్పులుగొన్నవారువో వీరు
చ.1:తెగనీక అప్పులెల్లాఁ దీసితీసి | వారు
తగిలినఁ బెట్టలేక దాఁగి దాఁగి
వెగటునఁ బారిపోఁగా వెంట వెంట | పెక్కు
పగల నప్పులుగొన్న వారువో వీరు
చ.2:సేయరానిపనులెల్లఁ జేసిచేసి | తవ-
రాయడికి లోలోనే రాసిరాసి
కాయములోచొచ్చిచొచ్చి కాఁచికాఁచి | మున్ను
వ్రాయనిపత్రాల కాఁగేవారువో వీరు
చ.3:దొరయై యప్పులవారిఁ దోసితోసి | యీ-
పరిభవములనెల్లఁ బాసిపాసి
సిరులవేంకటపతిఁ జేరిచేరి | యిట్టి ...
వరుసనే గెలిచినవారువో వీరు
రేకు: ౦౦36-06 కన్నడగౌళ సం: 01-225 వైరాగ్య చింత
పల్లవి:
ఏది కడ దీని కేది మొదలు | వట్టి ...
వేదనలు తన్ను విడుచు టెన్నఁడు
చ. 1:
తొడరినహృదయమే తోడిదొంగయై
వడిగొని తన్ను వలఁబెట్టఁగాను
కడఁగి కర్మములఁ గడచు టెన్నడు
నిడినిబంధముల నీఁగు టెన్నఁడు
చ. 2:
తతిగొన్న తలఁపులే దైవయోగమై
మతినుండి తన్ను మరిగించఁగాను
ప్రతిలేని యాపదఁ బాయు టెన్నఁడు
ధృతిమాలిన యాస దీరు టెన్నఁడు
చ. 3:
పొదలిన మమతయే భూతమై తన్నుఁ
బొదిగొని బుద్ధి బోధించఁగాను
కదిసి వేంకటపతిఁ గసుట యెన్నఁడు
తుదలేనిభవములఁ దొలఁగు టెన్నఁడు
రేకు: 0036-07 శుద్దవసంతం సం; 01-226 భగవద్గీత కీర్తనలు
పల్లవి: కడలుడిపి నీరాడఁగాఁ దలఁచువారలకు
కడలేని మనసునకుఁ గడమ యెక్కడిది
చ.1: దాహమణఁగినవెనుక తత్వమెరిఁగెదనన్న
దాహమేలణఁగు తా తత్వ మే మెరుఁగు
దేహంబుగలయన్ని దినములకుఁ బదార్థ-
మోహమేలుడుగు దా ముదమేల కలుగు
చ.2: ముంద రెరిఁగిన వెనుక మొదలు మరచెదనన్న
ముంద రేమెరుఁగుఁ దా మొదలేల మరచు
అందముగఁ దిరువేంకటాద్రీశు మన్ననల
కఁదువెరిఁగినమేలు కలనైన లేదు