రేకు: 0317-01 మలహరి సం: 04-096 నృసింహ
| పల్లవి : |
కటకట యీమాయ గడచుట యెట్లో
ఘటనల హరికృప గలిగినఁగాక
|
|
| చ. 1: |
యిరవగుజీవుల కెంతగలిగినా
పరధనకాంతలే బలుప్రియము
ధరఁ గర్మాపుఁజేతలలోనెల్లా
సొరదిఁ బాపమే సులభము
|
|
| చ. 2: |
నానారుచులు యనంతము గలిగిన
కానిపదార్ధమె కడుఁ దీపు
పానిన చదువుల పఠన లుండగా
మానని దుర్భాషమాఁటలే హితవు
|
|
| చ. 3: |
యెదలో శ్రీవేంకటేశ్వరుఁడుండఁగ
సదరపు దివిజులు చవులయిరి
అదనను శ్రీగురుయానతి గలుగఁగ
పొదిగొని యివి తలపోయఁగ వలెసె
|
|
రేకు:0317-02 దేవగాంధారి సం: 04-097 నామ సంకీర్తన
| పల్లవి : |
ఆహా నమో నమో ఆదిపురుష నీకు
యీహల నేనెంతవాఁడ నెట్టు గాచితివి
|
|
| చ. 1: |
లోకాలోకములు లోన నించుకొన్న నీవు
యీకడ నాత్మలోన నెట్టణఁగితి
ఆకడ వేదములకు నగోచరమైన నీవు
వాకుచే నీనామములఁ వడి నెట్టణఁగితి
|
|
| చ. 2: |
అన్నిటా బ్రహ్మాదుల యజ్ఞభోక్తవైన నీవు
అన్నపానములివి యెట్టారగించితి
సన్నుతి పూర్ణుఁడవై జనియించిన నీవు
వున్నతి నాపుట్టుగులో వాకచో నెట్టుంటివి
|
|
| చ. 3: |
దేవతలచే పూజ తివిరి కొనిన నీవు
యీవల నాచే పూజ యెట్టు గొంటివి
శ్రీవేంకటాద్రి మీఁద సిరితోఁ గూడిన నీవు
యీవిధి నాయింట నీవు యెట్టు నిలచితివి
|
|
రేకు: 0317-03 బౌళి సం: 04-098 భగవద్గీత కీర్తనలు
| పల్లవి : |
నీవే నీదాసులని నినుగంటిఁ గంటిని
ఆవలనీవే అంతర్యామివి గాన
|
|
| చ. 1: |
నీదాసుల శిరసులే నీదివ్యశిరసులు
నీదాసులపాదములే నీదివ్యపాదములు
నీదాసులకన్నులే నీదివ్యనేత్రములు
నీదాసులరూపమే నీవిశ్వరూపము
|
|
| చ. 2: |
నీకింకరులగుణాలే నీదివ్యగుణములు
నీకింకరులున్నచోటే నీకు నిత్యవైకుంఠము
నీకింకరుల సేవే నీవు మెచ్చునిజసేవ
నీకింకరుల కూటమే నీకు సర్వాంగములు
|
|
| చ. 3: |
యిందరిలో శ్రీవేంకటేశ నీవే పో యంటే
అంది తల్లిముట్టే యుంటే నంటవచ్చునా
యెందు నజ్ఞానపు ముట్టు యెడసినాత్మలుగాన
నిందలేని నీదాసులే నీవని సేవింతును
|
|
రేకు: 0317-04 ధన్నాసి సం: 04-099 అధ్యాత్మ
| పల్లవి : |
ఆయంబిది తెలియంగల దీయాత్మజ్ఞానంబు
మాయలు యీకాలము కర్మము మాధవునాధీనము
|
|
| చ. 1: |
దేహమునకు నీడ తిరిగినయటువలెనే
శ్రీహరికి కళావిధమై జీవుఁడటు దిరుగు
దేహమునకుఁ గల చైతన్యము తెగి నీడకులేదు.
శ్రీహరికిని గల స్వతంత్రము జీవునికిలేదు
|
|
| చ. 2: |
కలలోపలఁ గల సుఖము ఘనసంతోషము కొరకే
యిల లోపలఁ గలిగిన సుఖము ఇది సంతోషము కొరకే
కలలోపలి విజీవుని సంకల్పన లిన్నియును
ఇల లోపలి ప్రపంచ మింతయు నీశ్వరుసంకల్పము
|
|
| చ. 3: |
చెదరిని బాహ్యపునిషయములు జీవునిపాలిటివి
పదిలంబగు అంతరంగమే పరమపువైకుంఠము
అదనెరిఁగి కాలగాలమున ఆతుమ శ్రీవేంకటపతికి
పొదిగియాతనికి శరణని కొలిచిన పొందగుముక్తికియిది గీలు
|
|
రేకు: 0317-05 పాడి సం 04-100 నామ సంకీర్తన
| పల్లవి : |
పాప పుణ్యముల పక్వమిదెరఁగను
నాపాలిటీ హరి నమో నమో
|
|
| చ. 1: |
మానసవాచక మరి కర్మంబుల
తానకముగ నీదాసుఁడను
పూని త్రిసంద్యల భోగభోగ్యముల
నానాగతులను నమోనమో
|
|
| చ. 2: |
వలనుగ జాగ్రస్వప్నసుషుప్తులు
యిలలో నీకేమి హితభటుఁడ
వెలుపల లోపల వేళా వేళల
నలినాక్ష నీకే నమోనమో
|
|
| చ. 3: |
పుట్టుకతొలుతను పుట్టినమీఁదట
అట్టె నీశరణాగతుఁడ
గట్టిగ శ్రీవేంకటపతి నీకృప
నట్టనడుమైతి నమోనమో
|
|
రేకు:317-06 రామక్రియ సం: 04-101 భగవద్గీత కీర్తనలు
| పల్లవి : |
ఇందరిపై భిన్నభక్తులేఁటికి మాకిఁక
అందరిలో అంతరాత్మ యాతని రూపే
|
|
| చ. 1: |
తల్లియై యుండేవాఁడు తగ నితనిరూపే
యెల్లగాఁ దండ్రైనవాఁడు నితనిరూపే
యిల్లాలై సుఖమిచ్చు నితనిమహిమరూపే
వెల్లవిరిఁ దనము లీవిష్ణునిరూపే
|
|
| చ. 2: |
గ్రామదేశకులములు ఘనుఁడితనిరూపే
కామించునర్థ మీతఁడై కలుగు నీరూపే
దీమపాన నిహపరద్రిష్టము లితనిరూపే
యేమేర దాతయు దైవ మీతనిరూపే
|
|
| చ. 3: |
కాలము నితనిరూపే కర్మము నితనిరూపే
యేలి యాచార్యుఁడు చెప్పే దితనిరూపే
శ్రీలలనాపతి శ్రీవేంకటేశ్వరుఁడే
పాలించఁగాఁ గంటి నే నీపరమాత్మురూపే
|
|
