చంపూరామాయణము/పుట122

⁠

దద్దయు భక్తిఁ జూడమణి దాను గరంబునఁ దాల్చి మ్రొక్కె శ శ్వద్దయమానుఁ డైనరఘువర్యునియంఘ్రులకు న్ముదంబునన్.

⁠ 129

మ.⁠

నిరవద్యప్రభవద్గతాగతముల న్నిస్తీర్ణవిస్తీర్ణదు స్తరఘోరార్ణవుఁ డయ్యు నభ్రమణివంశ్యగ్రామణీదూత వా నరసేనాసవిధంబునందుఁ బరమానందాపదేశాపగా పరిణీమధ్యమున న్మునింగె జనదృక్పాళి విచిత్రంబుగన్.

⁠ 130

క.⁠

హనుమంతుఁడు కలితమహా, ధనచూడారత్నసన్నిధానముదిత రా మనృపాయుక్తుం డై చ, య్యనఁ దెలిపెను సతియుదంత మాద్యంతంబున్.

⁠ 131

ఉ.⁠

నైకనిశాచరీసముదయాన్వహబాధితయై ద్విషత్పురా శోకవని న్వసించు పరిశుద్ధచరిత్రను సీతఁ జూచితిం బ్రాకటపూర్వపాతవిపాకముచోత సుపర్ణలోకబం దీకృతయైన నాగతరుణీమణిఁ బోలినదీనమానసన్.

⁠ 132

చ.⁠

అసదృశచిత్రకూటవిపినాంతరసీమ నుదీతమైన త్వ ద్బిసరుహసంభవాశుగవిభీతజయంతదురంతకౢప్తసా హసమును దెల్చి యెంతయు నుదశ్రుముఖాంబుజ యైనసీత యిం పెసఁగ నొసంగె మౌళిమణి నిత్తఱి నీ కిది యానవాలుగాన్.

⁠ 133

గీ.⁠

పోవ నుద్యోగ మొనరించి దేవ యిప్పు, డతులితాశావిశేషపాలితము లైన సాధ్విప్రాణము ల్మీయభిజ్ఞానముద్ర, చేత ముద్రించి వచ్చితి శీఘ్రముగను.

⁠ 134

చ.⁠

పటుగుణకారువీటిపురభాస్వదలంకరణప్రసన్న వేం కటపతిపాదపంకరుహగంధమిళిందమనోవిటంక వేం కటపెరుమాళ్నృపాగ్రజ యగారచరిష్ణురమాంఘ్రినూపురా ర్భటిమతికారి గృహ్యకమరాళివిరావ యరాజితజ్వరా.

⁠ 135

క.⁠

కంఠేకాలపరాక్రమ, శుంఠీనవఖండయోగ శుభవాక్కవిరా ట్కంఠీరవనుతసద్యః, కుంఠీకృతవిమతయత్న గుణరత్ననిధీ.

⁠ 136

తోటకం.⁠

అరికాళమహాబిరుదాంక లస, త్కరికాళమహీభృదుదారకులా భరణా శరణాగతపాలన జి, త్వరతాద్వరిదావనదానఘనా.

⁠ 137

గద్యము.⁠⁠

ఇది శ్రీమదుమామహేశ్వరవరప్రసాదసమాసాదిత సరసకవితావిలాస వాసిష్ఠవంశకీర్తిప్రతిష్ఠాసంపాదక తిరువేంగళార్య కలశరత్నాకరసుధాకర జగద్విఖ్యాతకవిరాజకంఠీరవబిరుదాంక వేంకటాచలపతి ప్రణీతంబైన చంపూరామాయణంబను మహాప్రబంధంబునందు సప్తమాశ్వాసము.

⁠