కిష్కింధకాండము - సర్గము 47

శ్రీమద్వాల్మీకియరామాయణే కిష్కింధాకాండే సప్తచత్వారింశః సర్గః |౪-౪౭|

వాల్మీకి రామాయణము

రామాయణ కాండములు

1. బాలకాండము

2. అయోధ్యాకాండము

3. అరణ్యకాండము

4. కిష్కింధకాండము

5. సుందరకాండము

6. యుద్ధకాండము

7. ఉత్తరకాండము

దర్శనార్థం తు వైదేహ్యాః సర్వతః కపి కుంజరాః |

వ్యాదిష్టాః కపి రాజేన యథా ఉక్తం జగ్ముర్ అంజసా |౪-౪౭-౧|

తే సరాంసి సరిత్ కక్షాన్ ఆకాశం నగరాణి చ |

నదీ దుర్గాన్ తథా శైలాన్ విచిన్వంతి సమంతతః |౪-౪౭-౨|

సుగ్రీవేణ సమాఖ్యాతాః సర్వే వానర యూథపాః |

తత్ర దేశాన్ ప్రవిచిన్వంతి స శైల వన కాననాన్ |౪-౪౭-౩|

విచింత్య దివసం సర్వే సీతా అధిగమనే ధృతాః |

సమాయాంతి స్మ మేదిన్యాం నిశా కాలేషు వానరాః |౪-౪౭-౪|

సర్వ ఋతుకాన్ చ దేశేషు వానరాః స ఫలాన్ ద్రుమాన్ |

ఆసాద్య రజనీం శయ్యాం చక్రుః సర్వేషు అహస్సు తే |౪-౪౭-౫|

తత్ అహః ప్రథమం కృత్వా మాసే ప్రస్రవణం గతాః |

కపి రాజేన సంగమ్య నిరాశాః కపి కుంజరాః |౪-౪౭-౬|

విచిత్య తు దిశం పూర్వాం యథా ఉక్తాం సచివైః సహ |

అదృష్ట్వా వినతః సీతాం ఆజగామ మహాబలః |౪-౪౭-౭|

దిశం అపి ఉత్తరాం సర్వాం వివిచ్య స మహాకపిః |

ఆగతః సహ సైన్యేన వీరః శతబలిః తదా |౪-౪౭-౮|

సుషేణః పశ్చిమాం ఆశాం వివిచ్య సహ వానరైః |

సమేత్య మాసే పూర్ణే తు సుగ్రీవం ఉపచక్రమే |౪-౪౭-౯|

తం ప్రస్రవణ పృష్ఠస్థం సమాసాద్య అభివాద్య చ |

ఆసీనం సహ రామేణ సుగ్రీవం ఇదం అబ్రువన్ |౪-౪౭-౧౦|

విచితాః పర్వతాః సర్వే వనాని గహనాని చ |

నిమ్నగాః సాగర అంతాః చ సర్వే జనపదాః తథా |౪-౪౭-౧౧|

గుహాః చ విచితాః సర్వా యాః చ తే పరికీర్తితాః |

విచితాః చ మహాగుల్మా లతా వితత సంతతాః |౪-౪౭-౧౨|

గహనేషు చ దేశేషు దుర్గేషు విషమేషు చ |

సత్త్వాని అతిప్రమాణాని విచితాని హతాని చ |

యే చైవ గహనా దేశా విచితాః తే పునః పునః |౪-౪౭-౧౩|

ఉదార సత్త్వ అభిజనో హనూమాన్

స మైథిలీం జ్ఞాస్యసి వానరేంద్ర |

దిశం తు యాం ఏవ గతా తు సీతా

తాం ఆస్థితో వాయు సుతో హనూమాన్ |౪-౪౭-౧౪|

ఇతి వాల్మీకి రామాయణే ఆది కావ్యే కిష్కింధాకాండే సప్తచత్వారింశః సర్గః |౪-౪౭|