కిష్కింధకాండము - సర్గము 44

శ్రీమద్వాల్మీకియరామాయణే కిష్కింధాకాండే చతుశ్చత్వారింశః సర్గః |౪-౪౪|

వాల్మీకి రామాయణము

రామాయణ కాండములు

1. బాలకాండము

2. అయోధ్యాకాండము

3. అరణ్యకాండము

4. కిష్కింధకాండము

5. సుందరకాండము

6. యుద్ధకాండము

7. ఉత్తరకాండము

విశేషేణ తు సుగ్రీవో హనూమతి అర్థం ఉక్తవాన్ |

స హి తస్మిన్ హరి శ్రేష్ఠే నిశ్చితార్థో అర్థ సాధనే |౪-౪౪-౧|

అబ్రవీత్ చ హనూమంతం విక్రంతం అనిల ఆత్మజం |

సుగ్రీవః పరమ ప్రీతః ప్రభుః సర్వ వన ఓకసాం |౪-౪౪-౨|

న భూమౌ న అంతరిక్షే వా న అంబరే న అమర ఆలయే |

న అప్సు వా గతి సంగం తే పశ్యామి హరి పుంగవ |౪-౪౪-౩|

స అసురాః సహ గంధర్వాః స నాగ నర దేవతాః |

విదితాః సర్వ లోకాః తే స సాగర ధరా ధరాః |౪-౪౪-౪|

గతిః వేగః చ తేజః చ లాఘవం చ మహాకపే |

పితుః తే సదృశం వీర మారుతస్య మహా ఓజసః |౪-౪౪-౫|

తేజసా వా అపి తే భూతం న సమం భువి విద్యతే |

తత్ యథా లభ్యతే సీతా తత్ త్వం ఏవ అనుచింతయ |౪-౪౪-౬|

త్వయి ఏవ హనుమన్ అస్తి బలం బుద్ధిః పరాక్రమః |

దేశ కాల అనువృత్తిః చ నయః చ నయ పణ్డిత |౪-౪౪-౭|

తతః కార్య సమాసంగం అవగమ్య హనూమతి |

విదిత్వా హనుమంతం చ చింతయామాస రాఘవః |౪-౪౪-౮|

సర్వథా నిశ్చిత అర్థో అయం హనూమతి హరి ఈశ్వరః |

నిశ్చిత అర్థతరః చ అపి హనూమాన్ కార్య సాధనే |౪-౪౪-౯|

తత్ ఏవం ప్రస్థితస్య అస్య పరిజ్ఞాతస్య కర్మభిః |

భర్త్రా పరిగృహీతస్య ధ్రువః కార్య ఫలోదయః |౪-౪౪-౧౦|

తం సమీక్ష్య మహాతేజా వ్యవసాయోత్తరం హరిం |

కృతార్థ ఇవ సంహృష్టః ప్రహృష్ట ఇంద్రియ మానసః |౪-౪౪-౧౧|

దదౌ తస్య తతః ప్రీతః స్వ నామాంక ఉపశోభితం |

అంగులీయం అభిజ్ఞానం రాజపుత్ర్యాః పరంతపః |౪-౪౪-౧౨|

అనేన త్వాం హరిశ్రేష్ఠ చిహ్నేన జనకాత్మజా |

మత్ సకాశాత్ అనుప్రాప్తం అనుద్విగ్నా అనుపశ్యతి |౪-౪౪-౧౩|

వ్యవసాయః చ తే వీర సత్త్వ యుక్తః చ విక్రమః |

సుగ్రీవస్య చ సందేశః సిద్ధిం కథయతి ఇవ మే |౪-౪౪-౧౪|

స తత్ గృహ్య హరిశ్రేష్ఠః స్థాప్య మూర్ధ్ని కృతాంజలిః |

వందిత్వా చరణౌ చైవ ప్రస్థితః ప్లవగర్షభః |౪-౪౪-౧౫|

స తత్ ప్రకర్షన్ హరిణాం మహత్ బలం

బభూవ వీరః పవనాత్మజః కపిః |

గత అంబుదే వ్యోమ్ని విశుద్ధ మణ్డలః

శశీ ఇవ నక్షత్ర గణోపశోభితః |౪-౪౪-౧౬|

అతిబల బలం ఆశ్రితః తవ అహం

హరి వర విక్రమ విక్రమైః అనల్పైః |

పవన సుత యథా అధిగమ్యతే సా

జనక సుతా హనుమన్ తథా కురుష్వ |౪-౪౪-౧౭|

ఇతి వాల్మీకి రామాయణే ఆది కావ్యే కిష్కింధాకాండే చతుశ్చత్వారింశః సర్గః |౪-౪౪|