ఓ జననీ నీ పదమే
శ్రీ గణపతి సచ్చిదానంద స్వామీజీ తెలుగు కీర్తనలు
రాగం: షడ్విధమార్గిణి తాళం: తిస్రనడ పల్లవి: ఓ జననీ! నీ పదమే నా శిరసుననూ నీరజదళమై నేడు మెరసెనూ ఈ నవనవ రాత్రుల గల పావనమహిమా నా పెదవుల ఈ పదముల సాగెను వినుమా నువు గదా! తెలివివీ శివసతీ లలామా! ఆకసమున సాగరమున భూస్థలముననూ నీ మెరపుల నీ నగవుల నీ సొగసులనూ కనుగొనీ శుభమనీ మురిసితీ మరీనూ లక్ష్మివి నువు - కాళివి మరి వాణివి జననీ! నీ సరి తులతూగరు సురలో కరుణధునీ! తెలియగా సచిదానందదవుగా భవానీ!