అయోధ్యాకాండము - సర్గము 47
శ్రీమద్వాల్మీకియరామాయణే అయోధ్యాకాండే సప్తచత్వారింశః సర్గః |౨-౪౭|
| వాల్మీకి రామాయణము | ||||||||||
|---|---|---|---|---|---|---|---|---|---|---|
| ||||||||||
ప్రభాతాయాం తు శర్వర్యాం పౌరాః తే రాఘవో వినా |
శోక ఉపహత నిశ్చేష్టా బభూవుర్ హత చేతసః |౨-౪౭-౧|
శోకజ అశ్రు పరిద్యూనా వీక్షమాణాః తతః తతః |
ఆలోకం అపి రామస్య న పశ్యంతి స్మ దుహ్ఖితాః |౨-౪౭-౨|
తే విషాదార్తవదనా రహితాస్తేన ధిమతా |
కృపణాః కరుణా వాచో వదంతి స్మ మనస్వినః |౨-౪౭-౩|
ధిగస్తు ఖలు నిద్రాం తాం యయాపహృతచేతసః |
నాద్య పశ్యామహే రామం పృథూరస్కం మహాభుజం |౨-౪౭-౪|
కథం నామ మహాబాహుః స తథాఽవితథక్రియః |
భక్తం జనం పరిత్యజ్య ప్రవాసం రాఘవో గతః |౨-౪౭-౫|
యో నః సదా పాలయతి పితా పుత్రానివౌరసాన్ |
కథం రఘూణాం స శ్రేష్ఠస్త్యక్త్వా నో విపినం గతః |౨-౪౭-౬|
ఇహైవ నిధనం యామో మహాప్రస్థానమేవ వా |
రామేణ రహితానాం హి కిమర్థం జీవితం హి నః |౨-౪౭-౭|
సంతి శుష్కాణి కాష్ఠాని ప్రభూతాని మహాంతి చ |
తైః ప్రజ్వాల్య చితాం సర్వే ప్రవిశామోఽథ పావకం |౨-౪౭-౮|
కిం వ్ఖ్స్యామో మహాబాహురనసూయః ప్రియంవద |
నీతః స రాఘవోఽస్మాభిర్తి వక్తుం కథం క్షమం |౨-౪౭-౯|
సా నూనం నగరీ దీనా దృష్ట్వాఽస్మాన్ రాఘవం వినా |
భవిష్యతి నిరానందా సస్త్రీబాలవయోధికా |౨-౪౭-౧౦|
నిర్యాతాస్తేన వీరేణ సహ నిత్యం జితాత్మనా |
విహినాస్తేన చ పునః కథం పశ్యామ తాం పురీం |౨-౪౭-౧౧|
ఇతీవ బహుధా వాచో బాహుముద్యమ్య తే జనాః |
విలపంతిస్మ దుఃఖర్తా వివత్సా ఇవ ధేనవః |౨-౪౭-౧౨|
తతః మార్గ అనుసారేణ గత్వా కించిత్ క్షణం పునః
మార్గ నాశాత్ విషాదేన మహతా సమభిప్లుతః |౨-౪౭-౧౩|
రథస్య మార్గ నాశేన న్యవర్తంత మనస్వినః |
కిం ఇదం కిం కరిష్యామః దైవేన ఉపహతాఇతి |౨-౪౭-౧౪|
తతః యథా ఆగతేన ఏవ మార్గేణ క్లాంత చేతసః |
అయోధ్యాం అగమన్ సర్వే పురీం వ్యథిత సజ్జనాం |౨-౪౭-౧౫|
ఆలోక్య నగరీం తాం చ క్షయవ్యాకులమానసాః |
ఆవర్తయంత తఽశ్రూణి నయనైః శోకపీడితైః |౨-౪౭-౧౬|
ఏషా రామేణ నగరీ రహితా నాతిశోభతే |
ఆపగా గరుడేనేవ హ్రదాదుద్ధృతపన్నగా |౨-౪౭-౧౭|
చంద్రహీనమివాకాశం తోయహీనమివార్ణవం |
అపశ్యన్నిహతానందం నగరం తే విచేతసః |౨-౪౭-౧౮|
తే తాని వేశ్మాని మహాధనాని |
దుఃఖేన దుఃఖోపహతా విశంతః |
నైవ ప్రజజ్ఞుః స్వజనం జనం వా |
నిరీక్షమాణాః ప్రవిణష్టహర్షాః |౨-౪౭-౧౯|
ఇతి వాల్మీకి రామాయణే ఆది కావ్యే అయోధ్యాకాండే సప్తచత్వారింశః సర్గః |౨-౪౭|