అధర్వణవేదము - కాండము 2 - సూక్తములు 11 నుండి 15 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 2 - సూక్తములు 11 నుండి 15 వరకూ) | తరువాతి అధ్యాయము→ |
అధర్వణవేదము - కాండము 2 - సూక్తము 11
[మార్చు]దూష్యా దూషిరసి హేత్యా హేతిరసి మేన్యా మేనిరసి |
ఆప్నుహి శ్రేయాంసమతి సమం కామ ||౧||
స్రక్త్యో ऽసి ప్రతిషరో ऽసి ప్రత్యభిచరణో ऽసి |
ఆప్నుహి శ్రేయాంసమతి సమం కామ ||౨||
ప్రతి తమభి చర యో ऽస్మాన్ద్వేష్టి యం వయం ద్విష్మః |
ఆప్నుహి శ్రేయాంసమతి సమం కామ ||౩||
సూరిరసి వర్చోధా అసి తనూపానో ऽసి |
ఆప్నుహి శ్రేయాంసమతి సమం కామ ||౪||
శుక్రో ऽసి భ్రాజో ऽసి స్వరసి జ్యోతిరసి |
ఆప్నుహి శ్రేయాంసమతి సమం కామ ||౫||
అధర్వణవేదము - కాండము 2 - సూక్తము 12
[మార్చు]ద్యావాపృథివీ ఉర్వ౧న్తరిక్షం క్షేత్రస్య పత్న్యురుగాయో ऽద్భుతః |
ఉతాన్తరిక్షమురు వాతగోపం త ఇహ తప్యన్తాం మయి తప్యమానే ||౧||
ఇదం దేవాః శృణుత యే యజ్ఞియా స్థ భరద్వాజో మహ్యముక్థాని శంసతి |
పాశే స బద్ధో దురితే ని యుజ్యతాం యో అస్మాకం మన ఇదం హినస్తి ||౨||
ఇదమిన్ద్ర శృణుహి సోమప యత్త్వా హృదా శోచతా జోహవీమి |
వృశ్చామి తం కులిశేనేవ వృక్షం యో అస్మాకం మన ఇదం హినస్తి ||౩||
అశీతిభిస్తిసృభిః సామగేభిరాదిత్యేభిర్వసుభిరఙ్గిరోభిః |
ఇష్టాపూర్తమవతు నః పితౄణామాముం దదే హరసా దైవ్యేన ||౪||
ద్యావాపృథివీ అను మా దీధీథాం విశ్వే దేవాసో అను మా రభధ్వమ్ |
అఙ్గిరసః పితరః సోమ్యాసః పాపమా ఋఛత్వపకామస్య కర్తా ||౫||
అతీవ యో మరుతో మన్యతే నో బ్రహ్మ వా యో నిన్దిషత్క్రియమాణమ్ |
తపూంషి తస్మై వృజినాని సన్తు బ్రహ్మద్విషం ద్యౌరభిసంతపాతి ||౬||
సప్త ప్రాణానష్టౌ మన్యస్తాంస్తే వృశ్చామి బ్రహ్మణా |
అయా యమస్య సాదనమగ్నిదూతో అరంకృతః ||౭||
ఆ దధామి తే పదం సమిద్ధే జాతవేదసి |
అగ్నిః శరీరం వేవేష్ట్వసుం వాగపి గఛతు ||౮||
అధర్వణవేదము - కాండము 2 - సూక్తము 13
[మార్చు]ఆయుర్దా అగ్నే జరసం వృణానో ఘృతప్రతీకో ఘృతపృష్ఠో అగ్నే |
ఘృతం పీత్వా మధు చారు గవ్యం పితేవ పుత్రానభి రక్షతాదిమమ్ ||౧||
పరి ధత్త ధత్త నో వర్చసేమమ్జరామృత్యుం కృణుత దీర్ఘమాయుః |
బృహస్పతిః ప్రాయఛద్వాస ఏతత్సోమాయ రాజ్ఞే పరిధాతవా ఉ ||౨||
పరీదం వాసో అధిథాః స్వస్తయే ऽభూర్గృష్టీనామభిశస్తిపా ఉ |
శతం చ జీవ శరదః పురూచీ రాయశ్చ పోషముపసంవ్యయస్వ ||౩||
ఏహ్యశ్మానమా తిష్ఠాశ్మా భవతు తే తనూః |
కృణ్వన్తు విశ్వే దేవా ఆయుష్టే శరదః శతమ్ ||౪||
యస్య తే వాసః ప్రథమవాస్య౧ం హరామస్తం త్వా విశ్వే ऽవన్తు దేవాః |
తం త్వా భ్రాతరః సువృధా వర్ధమానమను జాయన్తాం బహవః సుజాతమ్ ||౫||
అధర్వణవేదము - కాండము 2 - సూక్తము 14
[మార్చు]నిఃసాలాం ధృష్ణుం ధిషణమేకవాద్యామ్జిఘత్స్వమ్ |
సర్వాశ్చణ్డస్య నప్త్యో నాశయామః సదాన్వాః ||౧||
నిర్వో గోష్ఠాదజామసి నిరక్షాన్నిరుపానశాత్ |
నిర్వో మగున్ద్యా దుహితరో గృహేభ్యశ్చాతయామహే ||౨||
అసౌ యో అధరాద్గృహస్తత్ర సన్త్వరాయ్యః |
తత్ర సేదిర్న్యుచ్యతు సర్వాశ్చ యాతుధాన్యః ||౩||
భూతపతిర్నిరజత్విన్ద్రశ్చేతః సదాన్వాః |
గృహస్య బుధ్న ఆసీనాస్తా ఇన్ద్రో వజ్రేణాధి తిష్ఠతు ||౪||
యది స్థ క్షేత్రియాణాం యది వా పురుషేషితాః |
యది స్థ దస్యుభ్యో జాతా నశ్యతేతః సదాన్వాః ||౫||
పరి ధామాన్యాసామాశుర్గాష్ఠామివాసరమ్ |
అజైషం సర్వానాజీన్వో నశ్యతేతః సదాన్వాః ||౬||
అధర్వణవేదము - కాండము 2 - సూక్తము 15
[మార్చు]యథా ద్యౌశ్చ పృథివీ చ న బిభీతో న రిష్యతః |
ఏవా మే ప్రాణ మా బిభేః ||౧||
యథాహశ్చ రాత్రీ చ న బిభీతో న రిష్యతః |
ఏవా మే ప్రాణ మా బిభేః ||౨||
యథా సూర్యశ్చ చన్ద్రశ్చ న బిభీతో న రిష్యతః |
ఏవా మే ప్రాణ మా బిభేః ||౩||
యథా బ్రహ్మ చ క్షత్రం చ న బిభీతో న రిష్యతః |
ఏవా మే ప్రాణ మా బిభేః ||౪||
యథా సత్యం చానృతం చ న బిభీతో న రిష్యతః |
ఏవా మే ప్రాణ మా బిభేః ||౫||
యథా భూతం చ భవ్యం చ న బిభీతో న రిష్యతః |
ఏవా మే ప్రాణ మా బిభేః ||౬||
| ←ముందరి అధ్యాయము | అధర్వణవేదము | తరువాతి అధ్యాయము→ |