అథర్వణవేదము - కాండము 16

←ముందరి అధ్యాయము

అధర్వణవేదము (అథర్వణవేదము - కాండము 16)

తరువాతి అధ్యాయము→

అధర్వణవేదము - కాండము 16 - సూక్తము 1

అతిసృష్టో అపాం వృషభో ऽతిసృష్టా అగ్నయో దివ్యాః ||1||

రుజన్పరిరుజన్మృణన్ప్రమృణన్ ||2||

మ్రోకో మనోహా ఖనో నిర్దాహ ఆత్మదూషిస్తనూదూషిః ||3||

ఇదం తమతి సృజామి తం మాభ్యవనిక్షి ||4||

తేన తమభ్యతిసృజామో యో3 ऽస్మాన్ద్వేష్టి యం వయం ద్విష్మః ||5||

అపామగ్రమసి సముద్రం వో ऽభ్యవసృజామి ||6||

యో ऽప్స్వగ్నిరతి తం సృజామి మ్రోకం ఖనిం తనూదూషిమ్ ||7||

యో వ ఆపో ऽగ్నిరావివేశ స ఏష యద్వో ఘోరం తదేతత్ ||8||

ఇన్ద్రస్య వ ఇన్ద్రియేణాభి షిఞ్చేత్ ||9||

అరిప్రా ఆపో అప రిప్రమస్మత్ ||10||

ప్రాస్మదేనో వహన్తు ప్ర దుష్వప్న్యం వహన్తు ||11||

శివేన మా చక్షుషా పశ్యతాపః శివయా తన్వోప స్పృశత త్వచం మే ||12||

శివానగ్నీనప్సుషదో హవామహే మయి క్షత్రం వర్చ ఆ ధత్త దేవీః ||13||

అధర్వణవేదము - కాండము 16 - సూక్తము 2

నిర్దురర్మణ్య ఊర్జా మధుమతీ వాక్ ||1||

మధుమతీ స్థ మధుమతీం వాచముదేయమ్ ||2||

ఉపహూతో మే గోపాః ఉపహూతో గోపీథః ||3||

సుశ్రుతౌ కర్ణౌ భద్రశ్రుతౌ కర్ణౌ భద్రం శ్లోకం శ్రూయాసమ్ ||4||

సుశ్రుతిశ్చ మోపశ్రుతిశ్చ మా హాసిష్టాం సౌపర్ణం చక్షురజస్రం జ్యోతిః ||5||

ఋషీణాం ప్రస్తరో ऽసి నమో ऽస్తు దైవాయ ప్రస్తరాయ ||6||

అధర్వణవేదము - కాండము 16 - సూక్తము 3

మూర్ధాహం రయీణాం మూర్ధా సమానానాం భూయాసమ్ ||1||

రుజశ్చ మా వేనశ్చ మా హాసిష్టాం మూర్ధా చ మా విధర్మా చ మా హాసిష్టామ్ ||2||

ఉర్వశ్చ మా చమసశ్చ మా హాసిష్టాం ధర్తా చ మా ధరుణశ్చ మా హాసిష్టామ్ ||3||

విమోకశ్చ మార్ద్రపవిశ్చ మా హాసిష్టామార్ద్రదానుశ్చ మా మాతరిశ్వా చ మా హాసిష్టామ్ ||4||

బృహస్పతిర్మ ఆత్మా నృమణా నామ హృద్యః ||5||

అసంతాపం మే హృదయముర్వీ గవ్యూతిః సముద్రో అస్మి విధర్మణా ||6||

అధర్వణవేదము - కాండము 16 - సూక్తము 4

నాభిరహం రయీణాం నాభిః సమానానాం భూయాసమ్ ||1||

స్వాసదసి సూషా అమృతో మర్త్యేశ్వా ||2||

మా మాం ప్రాణో హాసీన్మో అపానో ऽవహాయ పరా గాత్ ||3||

సూర్యో మాహ్నః పాత్వగ్నిః పృథివ్యా వాయురన్తరిక్షాద్యమో మనుష్యేభ్యః సరస్వతీ పార్థివేభ్యః ||4||

ప్రాణాపనౌ మా మా హాసిష్టమ్మా జనే ప్ర మేషి ||5||

స్వస్త్యద్యోషసో దోషసశ్చ సర్వ ఆపః సర్వగణో అశీయ ||6||

శక్వరీ స్థ పశవో మోప స్థేషుర్మిత్రావరుణౌ మే ప్రాణాపానావగ్నిర్మే దక్షం దధాతు ||7||

అధర్వణవేదము - కాండము 16 - సూక్తము 5

విద్మ తే స్వప్న జనిత్రం గ్రాహ్యాః పుత్రో ऽసి యమస్య కరణః ||1||

అన్తకో ऽసి మృత్యురసి ||2||

తం త్వా స్వప్న తథా సం విద్మ స నః స్వప్న దుష్వప్న్యాత్పాహి ||3||

విద్మ తే స్వప్న జనిత్రం నిరృత్యాః పుత్రో ऽసి యమస్య కరణః |

అన్తకో ऽసి మృత్యురసి |

తం త్వా స్వప్న తథా సం విద్మ స నః స్వప్న దుష్వప్న్యాత్పాహి ||4||

విద్మ తే స్వప్న జనిత్రం అభూత్యాః పుత్రో ऽసి యమస్య కరణః |

అన్తకో ऽసి మృత్యురసి |

తం త్వా స్వప్న తథా సం విద్మ స నః స్వప్న దుష్వప్న్యాత్పాహి ||5||

విద్మ తే స్వప్న జనిత్రం నిర్భూత్యాః పుత్రో ऽసి యమస్య కరణః |

అన్తకో ऽసి మృత్యురసి |

తం త్వా స్వప్న తథా సం విద్మ స నః స్వప్న దుష్వప్న్యాత్పాహి ||6||

విద్మ తే స్వప్న జనిత్రం పరాభూత్యాః పుత్రో ऽసి యమస్య కరణః |

అన్తకో ऽసి మృత్యురసి |

తం త్వా స్వప్న తథా సం విద్మ స నః స్వప్న దుష్వప్న్యాత్పాహి ||7||

విద్మ తే స్వప్న జనిత్రం దేవజామీనాం పుత్రో ऽసి యమస్య కరణః ||8||

అన్తకో ऽసి మృత్యురసి ||9||

తం త్వా స్వప్న తథా సం విద్మ స నః స్వప్న దుష్వప్న్యాత్పాహి ||10||

అధర్వణవేదము - కాండము 16 - సూక్తము 6

అజైష్మాద్యాసనామద్యామూమనాగసో వయమ్ ||1||

ఉషో యస్మాద్దుష్వప్న్యాదభైష్మాప తదుఛతు ||2||

ద్విషతే తత్పరా వహ శపతే తత్పరా వహ ||3||

యం ద్విష్మో యశ్చ నో ద్వేష్టి తస్మా ఏనద్గమయామః ||4||

ఉషా దేవీ వాచా సంవిదానా వాగ్దేవ్యుషసా సంవిదానా ||5||

ఉషస్పతిర్వాచస్పతినా సంవిదానో వాచస్పతినా సంవిదానః ||6||

తే ऽముష్మై పరా వహన్త్వరాయాన్దుర్ణామ్నః సదాన్వాః ||7||

కుమ్భీకాః దూషీకాః పీయకాన్ ||8||

జాగ్రద్దుష్వప్న్యం స్వప్నేదుష్వప్న్యమ్ ||9||

అనాగమిష్యతో వరానవిత్తేః సంకల్పానముచ్యా ద్రుహః పాశాన్ ||10||

తదముష్మా అగ్నే దేవాః పరా వహన్తు వఘ్రిర్యథాసద్విథురో న సాధుః ||11||

అధర్వణవేదము - కాండము 16 - సూక్తము 7

తేనైనం విధ్యామ్యభూత్యైనం విధ్యామి నిర్భూత్యైనం విధ్యామి పరాభూత్యైనం విధ్యామి గ్రాహ్యైనం విధ్యామి తమసైనం విధ్యామి ||1||

దేవానామేనం ఘోరైః క్రూరైః ప్రైషైరభిప్రేష్యామి ||2||

వైశ్వానరస్యైనం దమ్ష్ట్రయోరపి దధామి ||3||

ఏవానేవావ సా గరత్ ||4||

యో ऽస్మాన్ద్వేష్టి తమాత్మా ద్వేష్టు యం వయం ద్విష్మః స ఆత్మానం ద్వేష్టు ||5||

నిర్ద్విషన్తం దివో నిః పృథివ్యా నిరన్తరిక్షాద్భజామ ||6||

సుయామంశ్చాక్షుష ||7||

ఇదమహమాముష్యాయణే ऽముష్యాః పుత్రే దుష్వప్న్యం మృజే ||8||

యదదోఅదో అభ్యగఛం యద్దోషా యత్పూర్వాం రాత్రిమ్ ||9||

యజ్జాగ్రద్యత్సుప్తో యద్దివా యన్నక్తమ్ ||10||

యదహరహరభిగఛామి తస్మాదేనమవ దయే ||11||

తం జహి తేన మన్దస్వ తస్య పృష్టీరపి శృణీహి ||12||

స మా జీవీత్తం ప్రాణో జహాతు ||13||

అధర్వణవేదము - కాండము 16 - సూక్తము 8

జితమస్మాకముద్భిన్నమస్మాకమృతమస్మాకం తేజసస్మాకం బ్రహ్మాస్మాకం స్వరస్మాకం యజ్ఞో3 ऽస్మాకం పశవో ऽస్మాకం ప్రజా అస్మాకం వీరా అస్మాకమ్ ||1||

తస్మాదముం నిర్భజామో ऽముమాముష్యాయణమముష్యాః పుత్రమసౌ యః ||2||

స గ్రాహ్యాః పాశాన్మా మోచి ||3||

తస్యేదం వర్చస్తేజః ప్రాణమాయుర్ని వేష్టయామీదమేనమధరాఞ్చం పాదయామి ||4||