పంచమాధ్యాయము
81
దేవదత్తాం పతిర్భార్యాం విందతేనేచ్ఛ యాత్మనః
తాంసాధ్వీం బిభృయాన్నిత్యం దేవానాం ప్రియమాచరన్
(మను 9-95)
(ఎవ్వడును భార్యను తనయిచ్ఛచే వివాహమాడుట లేదు. దేవతలు పురుషునకు భార్య నిచ్చుచున్నారు. అట్టిసాధ్వియైన భార్యను నెల్లపుడును భరింపవలెను అట్లుచేయుచో దేవతలకు ప్రియమగును.)
భార్యనువదలినవారికి ఘోరమగుశిక్షను బోధాయనుడు విధించుచున్నాడు.
దారవ్యతిక్రమీ ఖరాజినం బహిర్లోమపరిధాయదారవ్యతి
క్రమిణే భిక్షామితినప్తా గారాణిచరేత్ సావృత్తిష్షణ్మాసాన్.
(ఆ.ధ.సూ. 1-28-18)
(భార్యను వదలినవాడు గాడిద చర్మమును, వెంట్రుకలు పైకివచ్చునట్లు కప్పుకొని 'భార్యనువదలిన నాకుభిక్షవేయుడు' అని చెప్పుచు నాఱుమాసములు దినమున కేడిండ్లచొప్పున భిక్ష నెత్తుకొనవలెను.)
కొన్ని దుష్టగుణములుగల భార్యను వదలివేయవచ్చునని మన్వాదిస్మృతులు చెప్పుచున్నట్లు పునర్వివాహము అను నధ్యాయమున చూడగలము. దక్షస్మృతి(4-17) యిట్లు చెప్పుచున్నది.
