136
స్మృతికాలపుస్త్రీలు
"అన్నా దేభ్రూణహా మార్ష్టిపత్యౌ భార్యాపచారిణీ
గురౌశిష్యస్తు యాజిన్తేనోరా జనికిల్బిషం
(వసిష్ఠ. 19-44)
(భ్రూణహత్య చేసినవాని పాపము వానికి తిండి పెట్టిన వాని కంటును. భార్యచేసిన పాపము భర్తకంటును. గురువు చేసిన పాపము శిష్యునకంటును. దొంగచేసిన పాపము రాజున కంటును.)
భార్యపై భర్తకు పూర్ణాధికారము గలదు. కాన నామె పాపములను జేయుటను భర్త యెఱిగియుండియు నేహేతువుచేతనైనను నామెను నివారింపకుండినచో నా పాపము తానే చేసిన ట్లగునని దీనివలన తెలియుచున్నది.
భర్తృపుణ్యములో భార్య పాల్గొనునని (తథా పుణ్య ఫలేషు) మన మిదివఱలో చూచియుంటిమి.
భర్తృపాపములో భార్య పాల్గొనునని మాత్ర మెచ్చటను లేదు. కాని భార్య పుణ్యముచే భర్త పాపియైనను స్వర్గమునకు బోవునని యిదివఱలో జూచియుంటిమి. భార్య పాపములో భర్త పాల్గొనుననికూడ తెలిసి కొంటిమి. భార్యా భర్త లిరువుఱు నొకేవ్యక్తి యనుటకీ కర్మఫలైక్యమే గొప్ప సాక్ష్యము.
- _______
