ఈ పుట అచ్చుదిద్దబడ్డది
16
చంద్రరేఖా సమాసంగ రంగద్విహా
యస నదీ జూట! జోహారునీకు
దక్షాధ్వరాగత దైవతాగవ్రాత
కులిశోపమా! గిడిగుడులు నీకు
ప్రతి పక్ష రాక్షస ప్రాణధారాధర
వాతూల సమరూప! జోత నీకు
హిత జనామోదదా! నమస్కృతులు నీకు
డమరుకాంచిత హస్త! దండంబు నీకు
శంబరాహిత! హర! ప్రణామంబు నీకు
సంగమేశ్వర దేవ! యంజలులు నీకు
44. పురవర్ణన
స్నాన సంధ్యాద్యనుష్ఠాన కర్మఠులైన
బ్రాహ్మణావళులు శోభను వహింపఁ
దతగుణాభరణోచిత ప్రాభవులు నైన
క్షత్రియకులులు హెచ్చరికఁ గాంచ
వ్యాపార లాభ సంభరిత సంతోషులై
బేరులు మిక్కిలి పెంపు గనఁగ
నఖిల గుణంబుల కాధారులై కీర్తి
ప్రౌఢికెక్కిన యంఘ్రిభవులు వెలుఁగ
సంగమేశ్వరు కరుణారస ప్రవర్ధ
మానమై ధారుణీ స్థలి మహితమైన
యశము చేతను జెన్నొందు ననవరతము
వేడుకల మీఱు జాగర్లమూడి పురము