(అసిరిగాడు ప్రవేశించి.) అసిరి : (బుజ్జి గోకుకుంటూ) బాబు, మా ముసల్గోనికి సాలొచ్చిందట - కబురెట్టింది బాబూ. హెడ్డు :
- వెధవా, సాక్ష్యం యివ్వందీ వెళ్లిపోతావా యేమిటి?
అసిరి : సాచ్చికం అయిందాకా బతికుంతాదా బాబు? హెడ్డు : ఓరి వెధవా, దొంగమాటలాడుతున్నావు గుండె పగలగొడతాను. నీకెవడ్రా కబురు తీసుకొచ్చాడు? అసిరి : మనవూరు బండ్భోచ్చినారు బాబు. హెడ్డు : గాడిద కొడకా, యిల్లు కదిలావంటే వీపు పెట్ల గొడతాను. అసిరి : యెళ్లితే మీరు తంతారు, యెళ్లకుంటే అరుతంతారు. హెడ్డు : ఆరెవట్టా? అసిరి : యినీసిపిక్కడోరు. హెడ్డు : యీ యినస్పెక్టరు మరి సాక్ష్యం రానివ్వడు! గిరీశం: అసిరీ నా దెబ్బ నీకు తెలుసును - యిన స్పెక్టరు, గినస్పెక్టరూ జాంతేనై. విన్నావా? తిన్నగా బోనెక్కి నిజవేఁదో సాక్ష్యం పలక్కపోతివట్టాయనా, పీక నులివేఁసి నిన్ను నూతులో పారేస్తాను. అసిరి : యేటిబాబూ! మీరోతెన్నా, ఆరోతెన్నా, యీరో తెన్నా, నాకేటెరిక బాబు? మీ నౌకరీకి దణ్ణం. పోతాను, బాబూ. ఆయమ్మ గోడగెంతడం నాను సూపులేదు బాబూ- గవరయ్యగోరు దెయ్యాన్ని సీసాలో యెడితే, గోడ గెంతడం యేటి బాబు? వొట్టి అబద్దం! నాను సూపు లేదు బాబు. గిరీశం: వాడు చూడందీ సాక్ష్యం యలా పలుకుతాడు, అన్నయ్యా? లుబ్ధి : నా పాలుబ్ధం - యేవఁని జెప్పను? హెడ్డు : యవరీయనా? కేసుల మొహం అంటే యీయనకేమైనా తెలుసునా?
- కేసుల మొహం నాకూ తెలియదు, నిజం మొహం పోలీసువాళ్లకీ తెలియదు. అబద్ధ
సాక్ష్యాల వల్ల తప్పించుకోవడం కన్న, జెయిల్లో కూచోడవేఁ ఉత్తమం. ధన ప్రాణాలు రొండూ పోయినా, మనిషి అన్నవాడు అసత్యం ఆడకూడదు ఆడించకూడదు. హెడ్డు : యేవిఁటండీ ఈయన శల్య సారధ్యం! యవరితడు? గురుజాడలు 402 కన్యాశుల్కము - మలికూర్పు
