Jump to content

పుట:2015.370800.Shatakasanputamu.pdf/448

వికీసోర్స్ నుండి
ఈ పుట అచ్చుదిద్దబడ్డది

ప్రసన్నరాఘవశతకము

495


ఉ.

ముందఱ రామలక్ష్మణులు ముచ్చటలాడుచు మౌని వెంటయున్
సందడిఁ జేయుచు న్నడువఁ జయ్యన వచ్చెను రాక్షసాళి న
య్యందఱఁ గూల్చె లక్ష్మణుఁడు నందఱు మెచ్చి నుతించుచుండఁగా
జిందరవందరన్ సలిపి శీఘ్రము చంపె ప్రసన్న...

41


ఉ.

రామునిపాదపద్మములు ఱాతికి సోఁకినయంతమాత్రమే
కామునిబాణమో యనఁగఁ గంజదళాక్షి స్వకీయరూపయై
ప్రేమను మ్రొక్కి నిల్చె తన పేరును గౌతముఁ డిచ్చుశాపమున్
భామ వచించె మేటి తన భాగ్యమటంచుఁ బ్రసన్న...

42


ఉ.

కోపముఁ బూని యామునియుఁ గొండశిలాకృతిఁ దాల్చి పొమ్మనన్
శాపముకున్ బ్రతిక్రియను సాగిలి మ్రొక్కి వచించుమంచనన్
బాపము పోవు రాఘవునిపాదరజం బది యంటినప్పుడే
శాపవిమోచ మం చనెను సన్నుతి తొల్లి ప్రసన్న...

43


ఉ.

అంతయు విన్నవించుటకు నాజ్ఞ యొసంగెను రాముఁ డింతికిన్
అంతయుఁ జూచి యామునియు నచ్చెరువున్ భయమంది యప్పుడే
సంతసమంది యామునియు సర్వజగత్ప్రభుఁడంచు నమ్మి తా
నంతట యజ్ఞశాలకడ కాతఁడు నేఁగెఁ బ్రసన్న...

44