పుట:సింహాసన ద్వాత్రింశిక (కొరవి గోపరాజు).pdf/502

ఏకాదశాశ్వాసము

441

⁠

జంఖారివినుతగుణసం రంభాటోపాంధహర కరాళజ్వాలిన్.

⁠ 66

మ.⁠

తనచిత్తాబ్జములోఁ దలంచి మఱియున్ ధాత్రీశుఁ డా పాకశా సనుసింహాసన మెక్కవచ్చిన సముత్సాహంబు వారించి కాం చనపాంచాలిక వల్కె దానగుణవిస్తారంబున న్సాహసాం కుని సాదృశ్యము నొందలేక యిది నీకుం జెల్లునే పార్థివా.

⁠ 67

క.⁠

అతనిదానము భువన ఖ్యాతము సకలోపకారకారణము దయా చాతుర్య[1]తుర్యవిధమ త్యాతతధనకనకసముదయాకరము భువిన్.

⁠ 68

క.⁠

త్యాగంబున సత్కీర్తియు యోగంబున ముక్తిసతియు నుచితం బగు ను ద్యోగంబున సంపదయును భోగంబున సుందరియునుఁ బొందినఁగూడున్.

⁠ 69

క.⁠

అనుచును ద్యాగము యోగం బును నుద్యోగంబు నిష్టభోగంబును బెం పొనగూడఁ దగినకాలం బున జరపుచు నవ్విభుండు భువి యేలంగన్.

⁠ 70

చ.⁠

ఉరగము లెల్ల శేషులు పయోనిధు లెల్ల సుధాబ్ధు లేఱు లం బరనదు లంద్రు లారజతపర్వతముల్ గ్రహము ల్సుధాకరు ల్తరువులు కల్పవృక్షములు దైవతసంఘము లన్నియు న్మహే శ్వరు లనఁ జెల్లె నెల్లెడల [2]సాహసభూషణుకీర్తివర్తనన్.

⁠ 71

1. చాతుర్యవిదితమదియ
2. సాహసభూషణుఁ డుర్వి యేలఁగన్