పుట:సింహాసన ద్వాత్రింశిక (కొరవి గోపరాజు).pdf/330

షష్ఠాశ్వాసము

⁠

దలఁ దడిపినఁ జలి లే దని వెలయుట యాహరునినుదుటివేఁడిమిఁజుమ్మీ.

⁠ 11

ఆ.⁠

ఒకనియడుగుఁ జేరి యొకనియౌఁదల యెక్కి యొకనివెంట వచ్చి యొకనిఁ గలసి వెడలి పాఱి తనుచు విందు మట్లయ్యు నీ జీవనంబు లోకపావనంబు.

⁠ 12

చ.⁠

అని కొనియాడుచున్ జలకమాడి శివార్చన దీర్చి సూర్యు నిం పునఁ బ్రణుతించి యూరిదెసఁ బోవగ వీనుల కెల్లఁ దేనియల్ చినుకఁ బురాణవాక్యములు చెప్పెడివిప్రుని జూచి యమ్మహా జనసభఁ జేరి మ్రొక్కి సరసస్థితితో వినుచుండ నయ్యెడన్.

⁠ 13

ఆ.⁠

దానధర్మములకుఁ బూనక తనపొట్ట నినుపుకొనఁ దలంచు జనుఁడె పశువు పసరమైన మెఱుఁగు బండి యీడుచు దున్ను నంతకంటెఁ గష్టుఁ డండ్రు బుధులు.

⁠ 14

క.⁠

వదనము ప్రసాదసదనము హృదయము సదయంబు మాట లింపుల తేటల్ మెదలుట మేలునఁ బొదలుట సదమలవర్తనుల కివియ సహజగుణంబుల్.

⁠ 15

క.⁠

సురలకు ధరణీసురులకు హరిహరులకుఁ బ్రియ మొనర్చుయాగము లెల్లన్ సరిగూర్చి యెత్తుచోటను శరణాగతరక్షణంబు సరిగా వెందున్.

⁠ 16

చ.⁠

అని చదువం బురాణవచనార్థము సత్యముగా నెఱింగి స జ్ఞానులు మనంబులోనఁ గడు సంతమందుచు నుండఁగా భయం

⁠