354
శ్రీనివాసవిలాససేవధి
వెలసితి ని ట్లంచు వివరించి మరియు
నల సప్తమదినంబునందు నందముగ
జలజాప్తమండలసంరూఢుఁడగుచు
.......... .......... ......... ......... .........
నంతరాదిత్య విద్యాధ్యేయుఁడగుట
యంతయుఁ బ్రకటించి యద్భుతలీల
యష్టమదినమునం దరదంబు నెక్కి
దృష్టవిజయసారథిత్వంబుఁ దెలిపి 1130
యల మావు తురగవాహనముపై నెక్కి
కలితుదన్ మ్లేచ్ఛనిగ్రహము సేయంగ
భువి సారినై యిట్ల పొసఁగుదు ననుచు
వివరించు గతి తిరువీథుల నేగి
నవమదినమునందునన్ ముకుందుండు
శ్రీమదాదివరాహు చెంగటం జేరి
స్వామిపుష్కరిణి పావనతీర్థవారి
నవబృథస్నాతుఁడై యాశ్రితదివిష
దవనదీక్షాపూర్తి నటు జూపుటయును 1140
అంత వై ఖానసు లా యుత్సవమున
నంతరాయములఁ బ్రాయశ్చిత్తముగను
శ్రీనివాసులకు విశేషార్చనములు
జానూరుకటినాభిసద్వత్సబాహు
గళముఖమౌళ్యంత కలితక్రమమునఁ
దలఁపఁ బద్మాధికదశవిధార్చనలు
గావించి నల్ దెసక్రమమున నిల్చి
భావించి సూత్రోక్తపరిపాటి సల్పు
