వాగ్భామినీహారనీహారహీరాభదేహప్రభాశాలినే, శూలినే, శంభవే, దంభవేదండ
దైత్యాజినచ్ఛాదితోద్యత్కటోరస్థలోద్భాసినే, శైలసంవాసినే, వాసవాబ్జాసనో
పేంద్రచంద్రోనగేంద్రాదికామర్త్యహేమావతంసాంచలాబద్ధసుస్నిగ్ధహీరావళీ
ధాళధళ్యప్రభాపూరనీరాజితాంచత్పదే, వారితోగ్రాపదే, తాపసవ్రాతచేతస్సరో
జాతసంకేతసంచారలీలావిలోలప్రమత్తాళయే, రాజరేఖామయూఖోల్లసన్మౌళయే,
శైలకన్యామహోరోజకుంభద్వయీలిప్తసంవ్యాప్తదీప్తాంగరాగాతిసౌరభ్యసంవా
సితస్ఫారదోరంతరాళాయ, సంగ్రామకేళీకరాళాయ, రంగజ్జటాజూటకూటస్థఝాళం
ఝళారావధానద్వియద్వాహినీజాతసఞ్జాతరూపారవిందౌఘమారందపూరామితా
నందలీలాచలద్బంభరీయూధమాధుర్యసంగీతనాదానుమోదాయ, శశ్వత్ప్రసాదా
య, పాదాంగదీభూతవాతాశనాధీశభోగాగ్రభాగోల్లసత్పద్మరాగోపలోద్దామ
భాభాసమానాయ, సంరక్షితాశేషవిద్వద్వితానాయ, నానాపయోజాతగర్భాండ
భాండచ్ఛటాపాటవాశ్రాంతపూర్ణోదరానందినే, కేతనాగ్రస్ఫురన్నందినే, చంద్ర
కందర్సకోట్యర్బుదామందసౌందర్యరేఖాంశసమ్మోహితానేకలోకాయ, సంవీత
శోకాయ, పాకారినీలోపలాస్తోకశోభావిభాస్వద్గళా గ్రస్థితాభీలకాకోలనీలప్రభా
జాలసంవ్యాపినే, విద్వేషత్కోపినే, భూపయఃపావకాకాశయజ్వేందుభాస్వన్మ
రున్మూర్తయే, చారుసన్మూర్తయే, చంద్రచంద్రాతపాదభ్రసంశుభ్రవిభ్రాజితస్మిగ్ధ
భూత్యంగరాగాయ, గాఢానురాగాయ, వీతోగ్రతాపాయ, హేమాద్రిచాపాయ,
సోమాబ్జమిత్రాగ్నినేత్రాయ, సంస్తోత్రపాత్రాయ, సర్వాఘపల్లీలవిత్రాయ, సారార
విందాక్షబాణాయ, వారాశితూణాయ, వేదప్రమాణాయ, నిరూలితారాతిపూ
ర్వామరానేకపూర్వప్రదీప్రప్రతోళీవిటంకావళీదేహళీసాలశాలావిశాలారరాళింద
వేదీ మహాసౌధసౌపానవాతాయనశ్రేణయే, హారిసారంగశాబస్ఫురత్పాణయే, సం
శతోద్యమత్స్వసామర్థ్యలోకత్సమస్తాణవే, స్థాణవే, బాణదైత్యోత్తమప్రాణసంస
క్తచేతోంబుజాతాయ, లోకప్రపూతాయ, శీతోర్విభృద్బంధవే, సత్కృపాసింధవే,
బంధురానందసంధాయినే, దీనగేహాంగణస్థాయినే, శిక్షితాఖర్వగర్వాంధకారప్రసూ
నోజ్జ్వలత్కేతనే, విశ్వవిశ్వంభరాభారధౌరేయతాహేతవే, కైతవస్వాంతయుక్తాం
ధక ద్వీపదైత్యప్రహారాయ, వీరాదివీరాయ, విజ్ఞానమూలాయ, విఖ్యాతిశీలాయ, ద
క్షాధ్వరధ్వంసనాక్షుద్రరౌద్రప్రతాపాయ, సత్యానులాపాయ, దేవాదిదేవాయ,
దివ్యప్రభావాయ, సంగీతసాహిత్యనృత్తావధానప్రవీణాయ, వైవస్వతప్రాణ
సంహరణోజ్జృంభమానాయ, దూరీకృతాంభోజసంభూతగర్వాయ, శర్వాయ, తు
భ్యం నమస్తే నమస్తే నమః
