పుట:రసాభరణము.pdf/35

ఉ.⁠

ఏమని యెన్నవచ్చుఁ గమలేక్షణుచేఁతలు నాకు నిచ్చటం బ్రేమ నటించి పోయి పరభీరుత భీరును నొయ్యఁ జేరి పో రామి యొనర్పఁ జొచ్చె నుడురాజముఖీ కనుఁగొంటె యింకఁ దా నామొగ మెట్లు చూచుఁ [1]దగునా తన కీకపటప్రయోగముల్.

⁠

వ.⁠

విరహాఖ్యానహేతుకం బగు విప్రలంభం బెట్టి దనిన.

⁠

ఉ.⁠

తానును నేను గూడి విరిదమ్మికొలంకులపొంతఁ బుష్పితా నూనరసాలసాలములయొద్ద లతాసదనంబులందు నిం పూనఁగ సంచరించుగతు లుల్లమునందుఁ దలంపఁ బాడిగా దే నలినాక్షుఁ డేల చనుదేఁడు సఖీమణి యేమి చేయుదున్.

⁠

వ.⁠

ప్రవాసహేతుకం బగు విప్రలంభం బెట్టి దనిన.

⁠

చ.⁠

మధురకు నేగుచుండి మధుమర్దికి న న్గొనిపోవఁ బాపమే బుధనిధి యిప్పు డేల కొనిపోవు నటంచు మది న్వియోగతో యధిఁ బడి గోపకాంత భయమందు; ముకుందుఁడు నవ్వధూటియే విధమునఁ దూలునొక్కొ వ్రజవీధులనంచుఁ దలంచుఁ గూరిమిన్.

⁠

క.⁠

ఇమ్ముల మఱియును నొక్కమ తమ్మునఁ గరుణాత్మకాభిధానం బన ర మ్య మ్మనుమానాఖ్యవియో గమ్ము ననం గృతుల రెండుగతులై యుండున్.

⁠

క.⁠

వనితపరోక్షంబునఁ బతి యును బ్రియునిపరోక్షమునఁ బయోజాక్షియు రో దన మొనరించుచ వర్ణిం చినఁ గరుణాత్మకవియోగశృంగార మగున్.

⁠

ఉదాహరణము

చ.⁠

జగమునఁ బుష్పదామకము చంపెడి దయ్యును నాయురఃస్థలిం దగిలి యిదేల చంపదు నితంబిని నేటికిఁ జంపెనో విషం బగు నమృతంబు నొక్కసమయంబున నావిషము న్సుధారసం బగు విధిచేఁత లిట్టివి గదా యని పొక్కు నజుండు నెవ్వఁగన్.

⁠

ఉ.⁠

ఎక్కడి కేగితే మదన యిందుఁడు గందఁడు శూలిచేత నిం కెక్కడ నింత పుట్టునని యేర్పడ నింత యెఱింగి యక్కటా మక్కువ లుప్పతిల్లుటలు మాని శిలాప్రతిమావిమానతన్ మిక్కిలి వాసి గాదె తరుణీతరుణావలి నీవులేనిచోన్.

⁠

క.⁠

మానిని పతియెడ నేమిట నేని యతని గవియనొల్ల నే నని మిగులం బూనినయునికికి వర్ణన మానాఖ్యవియోగ మనఁగ మహిలోఁ జెల్లున్.

⁠

1. దగు నాతని కీ