పుట:భాస్కరరామాయణము.pdf/385

⁠

బును గంభీరాతిఘోరాద్భుతరవబధిరీభూతరోదోంతరంబున్ ఘననక్రగ్రాహదర్వీకరమకరమహాకచ్ఛపానేకమీనం బును జూడారంగరంగద్భువనపవనభుగ్భూనభోంతర్ధి వార్ధిన్.

⁠ 29

వ⁠

కని తదీయం బైనమహామహిమంబు గొనియాడుచుం జేర నరిగి నానాతరులతా కుంజపుంజంబులం బొల్చు వేలావనంబున విడిసి రప్పుడు.

⁠ 30

సీ.⁠

పృథులహాసంబులు పెన్నురువులభంగి, వఱల వాలములు ప్రవాళలతల కైవడిఁ జెలువార ఘనబాహుశాఖలు, బహుళవీచీపరంపరలకరణి విలసిల్ల నుద్భటవీరసంచారముల్, కుటిలతరగ్రాహకఘోరగతుల చాడ్పున నొప్పారు సందడి [1]పలుకుల, యులి వఖండధ్వనియోజ నిగుడ వివిధవాహినీసంగతి వెలయ నినజు, నాజ్ఞ చెలియలికట్ట యై యడర రామ చంద్రునుదయ ముదంచితోత్సవముఁ జేయ, నొప్పెఁ [2]గపిబలోదధి వార్ధి కుద్ది యగుచు.

⁠ 31

వ.⁠

తదనంతరంబ.

⁠ 32

ఆ.⁠

జానకీవియోగసాగరమగ్నుఁ డై, రామచంద్రుఁ డుండఁగా మనోజ్ఞ భంగి నింకఁ దగునె పద్మినీభోగ మ, న్నట్లు గ్రుంకె నర్కుఁ డపరజలధి.

⁠ 33

తే.⁠

ఇనతురంగరింఖాహతి నెసఁగునస్త, శైలధాతుశిలోద్ధూతధూళిపటల మనఁగ నపరదిశాభాగమునకు వింత, చెలువు సేయుచు నెఱసంజపొలుపు మిగిలె.

⁠ 34

క.⁠

భూపాలకపరమేశ్వరు, కోపానలకీల లంటికొని కమలినలం కాపతికీర్తియొకో యని, రూపింపఁగఁ [3]జీకువాలు రోదసి నిండెన్.

⁠ 35

క.⁠

వనచరనాయకసంఖ్యకు, వనజభవుఁడు బొట్టు లిడుచు వచ్చె నొకో నాఁ గనదురుదీప్తుల గగనం, బున నొక్కఁడొకండ తోఁచెఁ బొరిఁ దారకముల్.

⁠ 36

శా.⁠

గంగాతుంగతరంగపాండురమయూఖశ్రేణినిశ్రేణికా భంగిన్ నింగికి నబ్ధికిన్ నడుమఁ బైపై నొప్పఁ బ్రాగ్భూమిభృ చ్ఛృంగాగ్రంబు నలంకరించె సితరోచిర్మండలం బభ్రమా తంగోదంచితకుందకందుకముచందం బొంది రమ్యాకృతిన్.

⁠ 37

క.⁠

వెడవిలుతుకీర్తిజాలము, వడువునఁ జంద్రాతపంబు వాలుటయును ము న్నుడు కెత్తినడెందముతో, వడఁకాడెడుధైర్య మెడల వగలఁ బొగులుచున్.

⁠ 38

వ.⁠

కౌసల్యానందనుండు సుమిత్రానందనున కి ట్లనియె.

⁠ 39

ఉ.⁠

రక్కసుచేతఁ బట్టువడి రాజనిభానన యేఁగునప్పు డే దిక్కున నానలేమి నలుదిక్కులుఁ జూచుచు భీతి నాథ నీ వెక్కడఁ జిక్కి తంచు నెలుఁగెత్తి పొరింబొరి నన్నుఁ జీరుచుం

⁠

1. పలుకుల, య్యుదధిచండధ్వని
2. గపిబలం బుదధికి సుద్ది యగుచు
3. జీకువాయ