పుట:భాస్కరరామాయణము.pdf/153

⁠

నద్భుతావహ మగునమ్మహాత్ముమహిమఁ, బూని వర్ణింప గోచరమే నరేంద్ర.

⁠ 76

చ.⁠

[1]అని కొనియాడి యివ్వనమునం దనిశంబు నిశాచరుల్ తపో ధనులకుఁ గీడు సేయుదురు తద్వధ మీ వొనరించి మమ్ముఁ జే కొను మనుచుం గఠోరతరఘోరశరోజ్జ్వలరత్నతూణముల్ ఘనతరచాపమున్ నిశితఖడ్గయుగంబును నిచ్చు వేడుకన్.

⁠ 77

తే.⁠

అనుచు వినిపించి కుంభజునాశ్రమంబు, తెరువు సంజ్ఞాభియుక్తి మైఁ దెలియఁ జెప్పి వీడుకొల్పినఁ గదలి భూవిభుఁడు నాల్గు, యోజనము లేఁగి ముందట నొక్కచోట.

⁠ 78

వ.⁠

[2]రామచంద్రుండు సౌమిత్రిం గనుంగొని యి ట్లనియె.

⁠ 79

అగస్త్యమహామునిమాహాత్మ్యాభివర్ణనము

సీ.⁠

ఇవ్వనంబునఁ దొల్లి యిల్వలవాతాపు, లనునుగ్రరాక్షసు లధికపాపు లుండు భూసురహింస లొనరింతు రెట్లన్నఁ, బితృకార్య మొక్కటి పేరు సెప్పి యగ్రజుం డిల్వలుం డనుజుని వాతాపిఁ, గపటమేషాకృతిఁ గైకొనంగఁ బంచి హింసించి తత్పలల మామంత్రిత, ద్విజులకు వడ్డించి తృప్తులైన పిదప భుక్తశేషమునకుఁ బిల్చుకరణి, నింక వాతాపి రమ్మని యిట్లు పిలువ వాఁడు నవ్విప్రజఠరముల్ వ్రచ్చికొనుచు, నిలకు నేతెంచుఁ జింబోతునెలుఁగు సెలఁగ.

⁠ 80

వ.⁠

ఇత్తెఱంగున ధరామరోత్తముల ననేకుల వధియించుచుఁ డత్పిశితభక్షణంబు సే యుచు నుండ నప్పాపాత్ములదుశ్చరిత్రంబులు విని యగస్త్యుం కొక్కనాఁ డయ్యా శ్రమంబున కేతెంచి కపటక్షణంబు గైకొని తాదృశం బగు భోజనవిదానంబు ను జలిపి హస్తావసేచనానంతరంబునఁ దొల్లింటివిధంబునం దమ్మునిం బిల్వ నిల్వ లుం గనుంగొని నవ్వుచుం గడుపు సఱిమికొనుచు జీర్ణుం డయ్యె వాతాపి య నుచుం బలికి కృతకవిప్రుం డగునారాక్షసుం గ్రోధనిరీక్షణంబున భస్మీభూతుం గావించె ని ట్లన్నిశాచరయుగళంబును బొలియించినయమ్మహాపురుషుననుజుం డిమ్మునీంద్రుండు గావున నిమ్మహాత్మునిదర్శనంబు మనకు నభ్యుదయహేతు వను

⁠

1. 77...78-వ పద్యములకు మాఱుగా
   అనుచుఁ గొనియాడి కుంభజునాశ్రమంబు, తెరువు సంజ్ఞాభియుక్తి మైఁ దెలియఁజెప్పె
   .......................................................................... (వ్రా. ప్ర.)
2. 79....98-వ పద్యములకు మాఱుగా
   చ. అనఘుఁ డగస్త్యుతమ్ముని మహామునిఁ గాంచి తదీయ మైనయ
       వ్వనమున నాఁడు నిల్చి జనవల్లభుఁ డమ్మునిముఖ్యు భక్తి వీ
       డ్కొని యట కాంచెఁ గుంభజుఁ బ్రఘూర్ణితపూర్ణమహార్ణవాంతరాం
       బునివహసర్వపూరపరిపూరితవిస్తరహస్తపంకజున్.
   చ. కని కడుభక్తి మ్రొక్కుటయు గౌరవ మొప్పఁగఁ గౌఁగిలించి తా
       మును దనుఁ గొల్చియున్న మునిముఖ్యుల కెల్లను రామచంద్రును
        ద్వినుతగుణావలుల్ ప్రకటవిస్తరభంగిగఁ జెప్పుచుం బ్రియం
        బునఁ గొనియాడుచున్ వివిధపూజలఁ దృప్తులఁ జేసె నెమ్మితోన్.
   క. జనవరునకు లక్ష్మణునకు, జనకసుతకుఁ గందమూలశాకాదిక మై
       మునిమాననీయ మగుభో, జనమునఁ బరితుష్టి సేసి సముచితభంగిన్.
   చ. కలశభవుండు రామునకుఁ .................................................. (వ్రా.ప్ర.)