పుట:భాస్కరరామాయణము.pdf/151

వ.⁠

తదుపాంతతపోవనంబునకుం జని యందు ధర్మభృతుం డనుమునీంద్రునకు నమ స్కరించి విహితసత్కారంబులు గైకొనుచు నమ్మునీంద్రుం గనుంగొని.

⁠ 66

చ.⁠

ఇది కడునద్భుతంబు జను లెవ్వరుఁ దోఁపరు తూర్యనాదముల్ ముదమున నంబుమధ్యమున మ్రోయుచు నుండుట కేమి కారణం బది యెఱిఁగింపు నా కనుడు నమ్ముని యి ట్లను మందకర్ణి య న్సదమలపుణ్యుఁ డొక్కమునిసత్తముఁ డిందుఁ దపోబలంబునన్.

⁠ 67

క.⁠

కుహరీకృతసలిలాంత, గృహమున నచ్చరలతోడఁ గ్రీడాపరతన్ విహరించుచుండు నీవిధి, మహిళాజనజనితవివిధమంజులరవముల్.

⁠ 68

వ.⁠

ఇ ట్లగుటకుం గారణంబు విను మిమ్మునీంద్రుండు వాయుభోజనుండును శిలాశ యుండు నగుచుం బదివేలవత్సరంబు లుగ్రతపంబు సేయుచున్న నగ్నిదేవుం డాదిగా నఖిలదేవతలును నీతపంబు మనయం దొకనిపదంబున కొదువుచున్న యది వీని కేప్రత్యూహం బొనర్ప నగు ననుచు నేవు రచ్చరలం బనుప నచ్చెలువ లేతెంచి మదనపరతంత్రునిం జేసినం దదీయాలాపవినోదంబు లనుభవించుచు నిజనిర్మితం బగునీసరోవరంబున నున్నవాఁ డదిమొద లిదియును బంచాప్సరసం బనుపేరం బరఁగుననుచు నమ్మందకర్ణివృత్తాంతం బెఱింగించిన సంతోషించుచుఁ బదంపడి యాశ్రమాంతరంబులకుం జని చని.

⁠ 69

శా.⁠

మాసార్ధం బొకచో దినం బొకయెడం మాసద్వయం బొక్కచో మాసం బొక్కెడ వత్సరార్ధ మొకచో మాసత్రయం బొక్కెడన్ మాసత్రిద్వయ మొక్కచో నొకయెడన్ మాసాష్టకం బొక్కచో నాసల్ మీఱ వసించుచున్ రఘువరుం డయ్యైతపోభూములన్.

⁠ 70

వ.⁠

మఱియు నెడనెడం బరమతపం బాచరించుచు దయాళువు లగుమహామునుల చరణారవిందంబులకు వందనం బొనర్చుచు వారలచేతం బురాతనపుణ్యపురుష ప్రవర్తనకీర్తనకథావితానంబులు వినుచుఁ గ్రించు లగునక్తంచరులఁ ద్రుంచుచు నుత్తుంగంబు లగుగిరిశృంగంబు లెక్కి విహరించుచుఁ జల్లఁదనంబు వెదచల్లుచుం దొలంకుకొలంకులకు డిగ్గుచు నాతపభయసంహారంబు లగుగహ్వరంబులం బ్ర వేశించుచు విశాలంబు లగునదీకూలంబుల విడియుచు మధుశీకరంబు లగుకమ లాకరంబులం గేలి సలుపుచు ఖగమృగశరణ్యంబు లగునారణ్యంబులం జొచ్చుచు మావృతాంతరిక్షంబు లగువృక్షంబులం జూచుచు నుత్ఫుల్లపల్లవమంజరీపుంజంబు

⁠