పుట:పద్మపురాణము (మడికి సింగన).pdf/263

ఉత్తరఖండము-షష్ఠాశ్వాసము

231

క.⁠

కోయిలలు సామగానము సేయుచు నేప్రొద్దు నచటఁ జెలఁగుచునుండుం బాయక శుకచయము సహా ధ్యాయిగ నచ్చోటఁ గలుగు [1]నారామములన్.

⁠ 35

తే.⁠

అట్టి లోకంబు నడుమఁ బెం పగ్గలించి ద్వారవతినాఁగ నొప్పారు తోరణముల [2]మడుఁగులఁ బసిండిమేడల మందిరముల [3]వప్రములచేత నప్పురవరము వొలుచు.

⁠ 36

సీ.⁠

యౌవనంబునఁ బదియాఱేండ్లప్రాయంబు         వారయా పురిగల వనిత లెల్లఁ బంచబాణునికంటె మించినరూపులఁ         బొల్తు రచ్చటఁ గల పురుషు లెల్లఁ జెలి లచ్చితో నాడు చెలికత్తియలయందు         బెనుపొంద వర్తించు పేరటాండ్రు దైత్యారివెంటఁ దద్ధామంబునందుండి        చనుదెంచినార యచ్చటి గృహస్థు

⁠

ఆ.⁠

లనఁగ నిత్యలక్ష్మి కాధారభూతమై వగయు వగయులేక నిగమవితతి మ్రోయుచుండ సిద్ధమునినాథసేవ్యమై యొప్పు మిగులుచుండు నప్పురంబు.

⁠ 37

వ.⁠

మఱియు ననేకమణిమయాలంకారులును దివ్యాంబర[4]స్రగ్గం ధాదివిరాజితులును శంఖచక్రఖడ్గగదాహస్తులును హరిభక్తి పరాయణులును నగు పురుషు లతిమనోహరాకృతులును లక్ష్మీ సమానలావణ్యవతులును గనకకమలపాణులు నగు సుందరులతోఁ

⁠

1. నారామమునుల్ (ము)
2. మాడుగుల (తి-హై)
3. పత్రములచేత (ము)
4. స్రద్గంధాది (ము)