నిరర్గళబ్రశస్తసోపానమార్గసంకాశంబగు త్రివళీవిలాసంబును,
గనత్కనకమణివిరాజమానవైజయంతీవనమాలికాపరిచిత
ప్రశస్తకౌస్తుభమణిఘృణిపరిష్కృతోరస్స్థలంబును, అనేకకన
త్కనకమణిఖచితకటకకేయూరాదినానాభూషణవిభూషితంబు
లగు చతుర్బాహుదండంబులును, నూతనప్రకీర్ణకర్ణాలంబితమకర
కుండలమండితగండస్థలంబులును, నిజకాంతివిశేషాధరీకృత
ప్రవాళంబగు నధరప్రవాళంబును, ముక్తాఫలసదృశదంతరేఖా
విలాసంబును, కనకచంపకప్రసూనసమాననాసికయును, గరుణా
రసతరంగితారుణారవిందసుందరవిపులాయతనేత్రంబులును,
మదనధనుర్విభ్రమభ్రూయుగళంబును, ఘుసృణితఘుసృణ
మృగమదామోదతిలకకలితంబగు నలికంబును, ఘటితాంచిత
రత్నకోటీవిరాజితంబగు కోటీరంబును, శారదేందుబింబశతకోటి
ప్రకాశనీకాశసుందరవదనారవిందంబును, వివిధదివ్యగంధమేదు
రాభిరామాంగంబును గలిగి యనవరతయౌవనంబున నివ్వటిల్లి
చక్రశంఖవరదాభయప్రశస్తహస్తంబులు విస్తరిల్ల ననేక
సహస్రకిరణతేజోవిరాజమానుండును, బరమయోగిజనభాగధే
యుండును, నప్రమేయప్రభావుండును, ననేకదివ్యనారీపరి
వృతుండును, దివ్యజనసంసేవ్యమానుండునునై దివ్యసింహాసనా
సీనుండై యున్న యప్పరమేశ్వరు వామాంకతలంబునందు.
