ఊర్ధ్వపుండ్రధారణ ప్రభావము :
ఆ. |
పొలుపు మిగుల నూర్ధ్వపుండ్రమధ్యంబున
సిరియుఁ దానుగూడి హరి వసించి
యుండుఁ గాన శుద్ధుఁ డూర్ధ్వపుండ్రము దాల్చు
నాతఁ డతని గృహము నతిశుభంబు.
| 80
|
క. |
నరుఁ డెవ్వఁడేని తెల్లని
తిరుమణి ధరియించు నతఁడు తీర్థము లెల్లం
బరువడి నాడిన ఫలమును
వరదీక్షల ఫలముఁ జెందు వనరుహనయనా!
| 81
|
క. |
విను! మూర్ధ్వపుండ్రధారణ
మొనరించిన యట్టి భూసురోత్తముఁడు జగం
బునఁ నెల్లఁ బూజ్యుఁడై తుది
ననుపమసురయాన మెక్కి హరిపురి కరుగున్.
| 82
|
క. |
తిరుమణి పెట్టిన సద్ద్విజ
వరు జూచిన నణఁగుఁ బాపవర్గంబెల్లం
గరమర్థిఁ జేరి మ్రొక్కినఁ
బరికింపఁగ సకలదానఫలములుఁ జెందున్.
| 83
|
ఆ. |
ఊర్ధ్వపుండ్రధారణోత్తము నెవ్వఁ డేఁ
గోరి పైతృకమునఁ గుడువఁ బెట్టు
నతని పితరు లెల్ల నాకల్పశతములు
తృప్తులగుట నిజము తీవఁబోడి!
| 84
|
క. |
నిట లోర్ధ్వపుండ్రమునఁ బ్ర
స్ఫుటుఁడై పైతృకముసేయు భూసురు పితరుల్
పటుగతి నేగుదురు సము
త్కటముగ గయఁ బిండమొందు [1]ధన్యుల గతికిన్.
| 85
|
- ↑ ధన్యుని గతికిన్ (ము)