పుట:పద్మపురాణము (మడికి సింగన).pdf/225

ఉత్తరఖండము-పంచమాశ్వాసము

193

క.⁠

ధరణీదేవుఁడు దగ సం స్కరణానలతప్తశంఖచక్రాంకములం గరమూలంబుల భక్తిని ధరియించిన యేని హరిపదంబునఁ జెందున్.

⁠ 59

ఆ.⁠

చక్రమైన శంఖచక్రంబులైనఁ బం చాయుధంబులైన నగ్నితప్త ముగ భుజంబులందు మొగిఁ బూని బ్రాహ్మణుఁ డాచరింపవలయు నర్హ[1]విధులు.

⁠ 60

వ.⁠

ఇ ట్లాచరించిన విప్రుండు ఘోరనరకదూరుండై విష్ణుసాయు జ్యంబు నొందు.

⁠ 61

క.⁠

చక్రాంకరహితుఁ డగుచుఁ ద్రి విక్రముఁ బూజించునట్టి విప్రుని జపదా నక్రతుపూజాధ్యయనా దిక్రియ లవి నిష్ఫలములు [2]దేవీ! తలఁపన్.

⁠ 62

క.⁠

ఉపనయనవేళఁ బాప వ్యపగత హోమాగ్నిఁ గాఁచి యాతనిఁ జక్రాం కపునీతుఁ జేసి పిమ్మట నపరిమితబ్రహ్మకర్మ మగుఁ జేయింపన్.

⁠ 63

చ.⁠

భుజముల శంఖచక్రములు [3]పూనని విప్రునిఁ బైతృకాదిస ద్భజనము చేయఁ గాదు విదితంబగు గోతిలభూహిరణ్యదా నజపములైన రాక్షసగణంబుల పాల్పడుఁ గాన నుత్తమ [4]ద్విజుఁడగు శంఖచక్రధరు నెంచి యొనర్చుట మేలు దానముల్.

⁠ 64

1. విధుల (ము)
2. గావే తలఁపన్ (ము-యతిభంగము)
3. పూనిన (ము)
4. ద్విజులకు (ము)