పుట:పద్మపురాణము (మడికి సింగన).pdf/161

ఉత్తరఖండము-తృతీయాశ్వాసము

129

ఉ.⁠

అక్కట ముద్దుకూన లిటు నాడఁగ నేటికి వచ్చి రిచ్చఁ; దా రెక్కడి బ్రహ్మచారి నిట నేటికిఁ గన్గొని; రా దురాత్మకుం డక్కటికంబు మాలి యిటులాఱడి నేల శపించె వీరలం; ద్రెక్కొని యిట్లు చేసితె విధీ యని యేడ్చుచు నార్తమూర్తులై.

⁠ 196

క.⁠

ఆ విప్రవరుని జనకుం డై వెలసిన వేదనిధి నిజాత్మజు వెదకం గా వచ్చి ఘనపిశాచం బై వికృతాకారుఁడై న యాతనిఁ గనియెన్.

⁠ 197

వ.⁠

ఇట్లు కనుంగొని యాతని వెనువెంటన యాక్రందనంబులు సేయుచుఁ జనుదెంచు పిశాచికలగు వారలంజూచి యడలుచున్న గంధర్వదంపతులం గనుంగొని యిది యేమి మీర లెవ్వ రిందులకు రాఁ గతంబేమి యని యడిగిన వార లిట్లనిరి.

⁠ 198

క.⁠

మా పిన్నపాప లిచటికి శ్రీ పార్వతి నోమ వచ్చి చెచ్చెర నొకదు ర్వ్యాపారి [1]వడుగుఁ బొడగని రా పొడువఁడు వారిఁజూచి యదయాత్మకుఁడై.

⁠ 199

వ.⁠

అక్కన్నియలకుం బిశాచరూపంబులుగా శపియించిన వారలు నవ్వటుకుమారునిం బిశాచంబ వగుమని శపియించి; రిట్లన్యోన్య శాపంబులం జేసి వికృతాకారులై పొత్తుల కర్మంబు లనుభవించు చున్న యక్కన్నియలకు జననీజనకులమని చెప్పిన నవ్విప్రుండు నతండు తన తనయుఁ డని చెప్పి హాహాకారం బెసంగ నేడ్చి, ధైర్యం బవలంబించి విధికృతం బనుభవింపకపోవదని నిశ్చ యించి యుండె; నివ్విధంబున నతిక్రూరంబులగు నవస్థ లనుభ వించుచుండఁ బెద్దకాలంబు సనుటయు నచ్చోటికిఁ దీర్థస్నానార్థియై రోమశమహామునీంద్రుండు పౌష్యశుద్ధచతుర్దశియందు వచ్చిన నవ్విప్రు భక్షించు తలంపున నప్పిశాచంబులు చనుదెంచి.

⁠ 200

1. నిచట బొడగని, రావడుగయు (తి), రాపొడువయు (హై)