అనినఁ దద్వచనంబులు విని కంపించి సంధ్యావళి ధైర్యంబు పూని
నగుచు శుక్రసమీరితగాథ పురాణంబులయందు వినంబడియె.
ద్వాదశి స్వర్గమోక్షప్రద యగు. ధనంబు విడుచు, గృహంబు విడుచు,
భార్యల విడుచు, మిత్రుల విడుచు, గురుని విడుచు, బంధువుల విడుచు,
తీర్థంబులు విడుచు, యజ్ఞంబులు విడుచు, ధర్మక్రియాతపస్సాంఖ్య
యోగంబులేని విడుచుంగాని యుభయపక్షద్వాదశీవాసరోత్సవంబు
విడువఁడు. తద్ద్వాదశీప్రభావంబున క్షేమం బయ్యెడి. నీకు సంతోషం
బుగా ధర్మాంగదుని హింసించిన సంతోషమున నుండుము. సత్యంబు
వదలిన నరుండు శ్వపాకపరునకంటె నీచుండగుం గావున సత్యంబు
వదలునే? యని పోయి పతి చరణంబుల వ్రాలి యిట్లనియె.